మెగాస్టార్ జెట్ స్పీడుతో దూసుకుపోతున్నారు. సైరా నరసింహారెడ్డి తర్వాత కమిట్ అయిన నాలుగు సినిమాల షూటింగ్ ఏకకాలంలో పూర్తి చేశారు. 9నెలల గ్యాప్ లోనే మరే స్టార్ హీరో చేయలేని విధంగా 3 సినిమాలు విడుదల చేసి రికార్డు సృష్టించారు. ఇప్పుడు ఆ నాలుగో సినిమా భోళా శంకర్ సినిమాను కూడా సిద్ధం చేస్తున్నారు.
ఈక్రమంలో సినిమాకు సంబందించి అప్డేట్స్ ఇవ్వడం ప్రారంభించింది యూనిట్. తొలి లిరికల్ సొంగ్ విడుదల చేస్తున్నట్టు ఈరోజు ప్రకటించింది. జూన్ 4న తొలి పాటను విడుదల చేస్తామని.. ఇందుకు సంబంధించిన ప్రోమోను జూన్ 2న రిలీజ్ చేస్తున్నట్టు ప్రకటించింది. ఈక్రమంలో రిలీజ్ చేసిన పోస్టర్లో అల్ట్రా స్టైలిష్ లుక్ లో ఉన్న చిరంజీవి ఫోటో అభిమానులను ఆకట్టుకుంది.
దీంతో మెగా ఫ్యాన్స్ మరోసారి సెలబ్రేషన్స్ కు సిద్దమవుతున్నారు. మెహర్ రమేష్ దర్శకత్వంలో తెరకెక్కుతున్న ఈ సినిమాను రామబ్రహ్మం సుంకర తమ ఏకే ఎంటర్ టైన్మెంట్స్ బ్యానర్ పై నిర్మిస్తున్నారు. తమన్నా హీరోయిన్ గా నటిస్తోంది. మహతి స్వర సాగర్ సంగీతం అందిస్తున్నారు.