నాచురల్ స్టార్ నాని( Nani)నటించిన ‘దసరా( Dasara)’ చిత్ర దర్శకుడు శ్రీకాంత్ ఓదెల( Srikanth Odela) ఓ ఇంటివాడు కాబోతున్నాడు. అతి కొద్ది మంది సన్నిహితుల సమక్షంలో శ్రీకాంత్ తన స్వస్థలం కరీంనగర్ లో ఈరోజు వివాహం చేసుకోనున్నాడు. ఈ పెళ్ళికి శ్రీకాంత్ గురువు సుకుమార్, నాని, కీర్తి సురేష్( Keerthy Suresh)తో పాటు ‘దసరా’ చిత్ర బృందం హాజరుకానున్నట్లు తెలుస్తోంది. శ్రీకాంత్ ఎవరిని పెళ్లి చేసుకోనున్నారనే వివరాలు తెలియ రాలేదు.
దర్శకుడిగా మారి ఓ సినిమాని తెరకెక్కించిన తర్వాతే పెళ్లి చేసుకుంటానంటూ ఆయన పలుమార్లు మీడియా ముందు చెప్పారు. ఇప్పుడు ‘దసరా’ని డైరెక్ట్ చేసి తొలి హిట్ అందుకోవడంతో వివాహ బంధంలోకి అడుగుపెట్టనున్నారు.
దర్శకుడిగా శ్రీకాంత్ కి ‘దసరా’ తొలి చిత్రం. స్టార్ డైరెక్టర్ సుకుమార్ వద్ద ఆయన శిష్యరికం చేశారు. ఆ అనుభవంతో దసరా సినిమా తెరకెక్కించారు. ఈ చిత్రంలో నాని, కీర్తి సురేష్ జంటగా నటించారు . సింగరేణి బొగ్గు గనుల నేపథ్యంలో తెరకెక్కిన ఈ సినిమా లో దీక్షిత్ శెట్టి కీలక పాత్ర పోషించారు. వేసవి కానుకగా విడుదలైన ఈ చిత్రం బ్లాక్ బస్టర్ హిట్ సొంతం చేసుకుంది. రూ. 100 కోట్ల కలెక్షన్లను రాబట్టింది.