జూనియర్ ఎన్టీయార్ని ఎప్పుడో టీడీపీ వాడుకుని వదిలేసింది. పోనీ, బాలయ్యను అయినా.. కాస్తంత గౌరవించాలి కదా.? ఇంకా నయ్యం.. అలాంటివి టీడీపీలో ఆశించకూడదు.! ఆ విషయం నందమూరి అభిమానులకు బాగా తెలుసు. టీడీపీకి బానిసత్వం చేయడం తప్ప, నందమూరి అభిమానులకు ఇంకో పని లేదు.
స్వర్గీయ ఎన్టీయార్ ఫొటో కనిపిస్తోంది.. నారా చంద్రబాబునాయుడు, నారా లోకేష్ ఫొటోలు కూడా కనిపిస్తున్నాయి. కానీ, టీడీపీ ఎమ్మెల్యే నందమూరి బాలకృష్ణ ఫొటో మాత్రం కనిపించడంలేదు. టీడీపీ మహానాడు నేపథ్యంలో, టీడీపీ అను‘కుల’ మీడియాకి చెందిన ఆంధ్రజ్యోతి పత్రికలోని ఫుల్ పేజీ ప్రకటనలో బాలయ్య పొటో లేదాయె.!
ఈ వ్యవహారంపై నందమూరి అభిమానులు మింగలేక.. కక్కలేక.. నానా తంటాలూ పడుతున్నారు. ‘ఏదిరా మీ బాలయ్య ఫొటో.?’ అంటూ జూనియర్ ఎన్టీయార్ అభిమానులు, నందమూరి అభిమానుల్ని ప్రశ్నిస్తుండడం గమనార్హం.
గత కొద్ది రోజులుగా నందమూరి అభిమానులు, జూనియర్ ఎన్టీయార్ మీద జుగుప్సాకరమైన విమర్శలు సోషల్ మీడియా వేదికగా చేస్తున్న సంగతి తెలిసిందే. ఇప్పుడిక జూనియర్ ఎన్టీయార్ అభిమానులకు టైమొచ్చింది. ఏదీ మీ బాలయ్య ఫొటో.? అంటూ కడిగి పారేస్తున్నారు.!
సరిపోయింది సంబరం.! ఆ తాతకి మనవడైన జూనియర్ ఎన్టీయార్కి విలువ లేదు.. ఆ తండ్రికి కొడుకైన నందమూరి బాలకృష్ణకీ విలువ లేదు. అసలంటూ, ఆ ఎన్టీయార్నే గెంటేసిన పార్టీ టీడీపీ.! సో, అందులో నందమూరికి అవకాశం ఎందుకు వుంటుంది.? కానీ, నందమూరి అభిమానులు బానిసత్వం చేయాల్సిందే.!
ఇలా జరుగుతోంది మహానాడు విషయమై సోషల్ మీడియాలో బాలయ్య – ఎన్టీయార్ అభిమానుల మధ్య రచ్చ.!