Bandla Ganesh : బ్లాక్ బస్టర్ బండ్ల గణేష్‌ నిన్నటి నుండి వరుసగా ట్వీట్స్ తో మళ్లీ హాట్ టాపిక్ అయ్యాడు. సోషల్ మీడియాలో ఒక వ్యక్తి నిర్మాత అవ్వాలి అంటే ఏం చేయాలి అంటూ బండ్ల గణేష్‌ ను ప్రశ్నించాడు. అందుకు బండ్ల సమాధానంగా గురూజీకి ఖరీదైన బహుమానాలు ఇవ్వడం ద్వారా నిర్మాత అవ్వచ్చు అన్నట్లుగా సమాధానం ఇచ్చాడు.
ఆ ట్వీట్ వైరల్ అవ్వడంతో ప్రశ్న అడిగిన వ్యక్తి తన ట్వీట్ ను డిలీట్‌ చేసుకున్నాడు. మరో వ్యక్తి గురూజీ కి కథ చెపితే స్క్రీన్ ప్లే రాసి దానికి తగట్టు మళ్ళీ కథను మార్చి అనుకున్న కథను షెడ్‌ కి పంపిస్తాడు అని టాక్‌ ఉంది కాద అంటూ బండ్లను ప్రశ్నించగా బండ్ల సమాధానంగా.. అదే కాదు భార్యాభర్తల్ని.. తండ్రి కొడుకుల్ని.. గురుశిష్యుల్ని.. ఎవర్నైనా వేరు చేస్తాడు. అది మన గురూజీ స్పెషాలిటీ అంటూ ట్వీట్ చేశాడు.
అక్కడితో గురూజీ గొడవ అయిపోయింది అనుకుంటే.. నేడు ఉదయమే బండ్ల ట్విట్టర్ లో.. సాగినంత కాలం నా అంత వాడు లేడందురు సాగకపోతే ఊరక చతికిల పడిపోవదురు.. చెప్పడమే నా ధర్మం..వినకపోతే నీ ఖర్మం… గురూజీ అంటూ ట్వీట్ చేశాడు. మరో ట్వీట్ లో.. భగవంతుడికి భక్తుడికి అనుసంధానమైనది అంబికా దర్బార్ బత్తి.. భగవంతుడికి భక్తుడిని దూరం చేసేది గురూజీ దర్బార్ సుత్తి అంటూ పేర్కొన్నాడు. ఈ ట్వీట్స్ వైరల్ అవుతున్నాయి. ఈ ట్వీట్స్ ఎవరి గురించి అనేది ప్రత్యేకంగా చెప్పనక్కర్లేదు.