NTR Fans: ఎన్టీయార్ ఆస్కార్ టూర్.! అభిమానుల ఆవేదన ఇదీ.!

NTR Fans: యంగ్ టైగర్ ఎన్టీయార్.. మ్యాన్ ఆఫ్ మాసెస్ ఎన్టీయార్.. ఎన్టీయార్ గోస్ గ్లోబల్.. గ్లోబల్ స్టార్ ఎన్టీయార్.. జై ఎన్టీయార్.. ఇలా జూనియర్ నందమూరి తారక రామారావు గురించి అభిమానులు సోషల్ మీడియా వేదికగా చేస్తున్న హంగామా అంతా ఇంతా కాదు.!

కానీ, యంగ్ టైగర్ ఎన్టీయార్ ‘ఆస్కార్ టూర్’ విశేషాల విషయమై జరగాల్సిన స్థాయిలో ప్రమోషన్స్ జరగడంలేదు. అసల అమెరికా వెళ్ళాక అక్కడ జూనియర్ ఎన్టీయార్ ఏయే కార్యక్రమాల్లో పాల్గొంటున్నాడు, ఎవరెవర్ని కలుస్తున్నాడు.? అన్న విషయాలపై ‘పీఆర్’ టీమ్ సరిగ్గా వ్యవహరించడంలేదన్నది అభిమానుల ఆవేదన.

ఓ వైపు మెగా పవర్ స్టార్ రామ్ చరణ్ విషయంలో ‘పీఆర్’ టీమ్ పక్కాగా వ్యవహరిస్తోంది. హాలీవుడ్ ప్రముఖుల గురించి రామ్ చరణ్ మాట్లాడుతున్న మాటలు, అక్కడి రామ్ చరణ్ కార్యక్రమాలు.. వీటన్నిటికీ ‘పీఆర్’ టీమ్స్ మంచి బూస్టప్ ఇస్తున్నాయి. తద్వారా, రామ్ చరణ్ పేరు మార్మోగిపోతోంది ‘ఆస్కార్ టూర్’ సందర్భంగా.

విషయం జరుగుతున్నది ఇండియాలో, అందునా తెలుగునాట అయితే.. పీఆర్ సంగతెలా వున్నా, ప్రతి విషయం ఇక్కడి మీడియాలో విపరీతంగా కవరేజ్ అవుతుంది. కానీ, ఆస్కార్ హంగామా అమెరికాలో నడుస్తోంది. సో, అక్కడి వ్యవహారాలు, ఇక్కడున్న అభిమానులకి, మీడియాకి మరింత చేరువయ్యేలా చేయడంలో పీఆర్ టీమ్‌దే కీలక పాత్ర.

‘జూనియర్ ఎన్టీయార్ విషయంలో చాలా అన్యాయం జరుగుతోంది..’ అంటూ ఆయన అభిమానులు సోషల్ మీడియా వేదికగా తీవ్ర ఆవేదన వ్యక్తం చేస్తున్నారు. జూనియర్ ఎన్టీయార్, వ్యక్తిగత వ్యవహారాల కారణంగా అమెరికా వెళ్ళడం కాస్త ఆలస్యమయిన మాట వాస్తవం. కానీ, వెళ్ళాక కూడా రోజులు గడుస్తున్నా, అమెరికాలో ఎన్టీయార్ కార్యక్రమాల గురించి ఇక్కడ సరైన పబ్లిసిటీ జరగడంలేదు.

సోషల్ మీడియా వేదికగా ఎన్టీయార్ ఫాన్స్ (NTR FANS) సంధిస్తున్న ప్రశ్నలకు ఎవరు సమాధానమిస్తారోగానీ, ఎన్టీయార్ ఆస్కార్ టూర్ విషయంలో పీఆర్ టీమ్ వైఫల్యం కొంతమేర కనిపిస్తోందన్నది మెజార్టీ అభిప్రాయంగా కనిపిస్తోంది.