‘ది ఘోస్ట్ ‘ క్లాస్ గా తీసిన పక్కా మాస్ సినిమా.. దర్శకుడు ప్రవీణ్ సత్తారు.

కింగ్ అక్కినేని నాగార్జున నటించిన ఘోస్ట్ చిత్రం భారీ అంచనాలతో దసరా కానుకగా అక్టోబర్ 5న ప్రపంచ వ్యాప్తంగా థియేటర్లలోకి రానున్న నేపధ్యంలో దర్శకుడు ప్రవీణ్ సత్తారు విలేఖరుల సమావేశంలో చిత్ర విశేషాలని పంచుకున్నారు.

‘ది ఘోస్ట్’ టైటిల్ జస్టిఫికేషన్ ఏమిటి ?

ఘోస్ట్ అనేది ఊహాతీతమైన పదం. రా, ఇంటెలిజెన్స్ ఫీల్డ్ లో ఈ పదానికి ఒక పవర్ వుంది. ఘోస్ట్ ప్రోటోకాల్ అని అంటారు. ఇందులో కథానాయకుడి కోడ్ ఘోస్ట్. అండర్ వరల్డ్ అతనికి పెట్టినపేరు ఘోస్ట్.

నాగార్జున గారిని కలసి కథ చెప్పడం ఎలా అనిపించింది ?

నిర్మాతలు సునీల్, శరత్ మరార్ లని ముందు కలవడం జరిగింది. ఒక ప్రాజెక్ట్ చర్చ నడుస్తునపుడు.. వేరేది చేద్దామని నాగ్ సర్ అన్నారు. నాగార్జున గారంటే నా మనసులో ఒక ప్రత్యేకమైన ఇమేజ్ వుంది. ఆ రకంగా చూపించాలని కథ రాయడం జరిగింది.

తొలిసారి హీరో ని అనుకోని కథ రాశారు కదా ? ఎలాంటి సవాళ్ళు ఎదురయ్యాయి ?

నిజానికి హీరోకి కథ రాయడం ఈజీ. మనకి ఒక స్పష్టమైన క్లారిటీ, డైరెక్షన్ వచ్చేస్తుంది. నన్ను అడిగితే ముందు కథ రాసుకొని తర్వాత అందులో నటులని ఫిట్ చేయడమే కష్టం.

ది ఘోస్ట్ లో తమహగనే లాంటి ఆయుధాలు కూడా డిజైన్ చేశారు కదా ?

నాగార్జున గారు ఇందులో 40 ఏళ్ల ఇంటర్ పోల్ ఆఫీసర్ గా కనిపిస్తారు. అయితే ఈ జర్నీలో ఆయన చాలా మిషన్స్ లో పాల్గొనివుంటారు. అలా తన జర్నీ లో జపాన్ వెళ్లినపుడు అక్కడ ఒక వ్యక్తి ఇచ్చే మెటల్ తమహగనే. ది ఘోస్ట్ కంప్లీట్ ఫిక్షన్ స్టొరీ. 12 యాక్షన్ సీక్వెన్స్ లు వుంటాయి. ప్రేక్షకులకు అడ్రినల్ రష్ ఇచ్చే సినిమా.

హీరోయిన్ సోనాల్ చౌహాన్ గురించి ?

సోనాల్ చౌహాన్ చాలా అంకిత భావంతో పని చేసే నటి. మాకు చాలా సమయం ఇచ్చి చాలా హార్డ్ వర్క్ చేసి బ్రిలియంట్ గా ఫెర్ ఫార్మ్ చేసింది.

మీ తొలి మూడు చిత్రాలు సొంత ప్రొడక్షన్ లో చేశారు కదా.. ఇప్పుడు వేరే ప్రొడక్షన్.. ఈ విషయంలో ఎలాంటి తేడాలు.. సవాళ్ళు వుంటాయి?

క్రియేటివ్ గా ఆలోచిస్తే సొంత ప్రొడక్షన్ నిర్ణయాలు త్వరగా తీసుకోవచ్చు. సొంత ప్రొడక్షన్ చేయడం వలన నిర్మాత కష్టాలు కూడా తెలుసు.

ది ఘోస్ట్ విషయంలో మీరు ఎదుర్కొన్న పెద్ద సవాల్ ఏంటి ?

కోవిడ్ (నవ్వుతూ). సెకండ్ వేవ్ , థర్డ్ వేవ్ వలన షూటింగ్ షెడ్యుల్ కొంచెం డిస్టర్బ్ అయ్యాయి.

ఎక్కువ నార్త్ నటీనటులు వున్నారు కదా ?

పాత్రలకు తగ్గట్టుగానే ఎంపిక చేశాం, నార్త్ అయినప్పటికీ డబ్బింగ్ వారే చెప్పారు.

ది ఘోస్ట్ ఎలా వుండబోతుంది ?

హై ఎమోషన్స్ హీరోయిజం వున్న చిత్రమిది. చాలా గూస్ బంప్స్ మూమెంట్స్ వుంటాయి. విజిల్ వేసే మూమెంట్స్ కూడా వుంటాయి. క్లాస్ గా తీసిన పక్కా మాస్ ఫిల్మ్ ఇది.

కోవిడ్ తర్వాత ప్రేక్షకుల అభిరుచి మారిందని అంటున్నారు.. ఇలాంటి సమయంలో ఒక కథ రాసినపుడు ఎలాంటి జాగ్రత్తలు తీసుకుంటారు ?

కోవిడ్ వలన ఒక మేలు జరిగింది. అందరూ వరల్డ్ సినిమాకి అలవాటు పడ్డారు, సినిమా అంటే ఎలాంటి క్యాలిటీ, మంచి సినిమా ఎదో ఉండాలో ప్రేక్షకులకు తెలిసింది. ఏది థియేటర్ సినిమా నో ప్రేక్షకులకు తెలిసిపోతుంది.

ది ఘోస్ట్ విడుదలైన రోజునే చిరంజీవి గారి గాడ్ ఫాదర్ విడుదలౌతుంది కదా ? పోటీ ఎలా వుండబోతుందని భావిస్తున్నారు ?

ఇందులో పోటీ లేదు. రెండు భిన్నమైన సినిమాలు. బావున్న ప్రతి సినిమాని ప్రేక్షకులు ఖచ్చితంగా చూస్తారని నమ్ముతాను.

కొత్తగా చేయబోతున్న సినిమాలు ?

వరుణ్ తేజ్ గారితో సినిమా అక్టోబర్ 10 నుండి యూకే లో మొదలౌతుంది. ఒక వెబ్ సిరిస్ ప్లాన్ కూడా వుంది.