‘హ్యాపీ బర్త్ డే’ లో కొత్త ప్రపంచంలో సరికొత్త కామెడీ ఉంటుంది – రితేష్ రానా

మత్తు వదలరా చిత్రంతో క్రేజీ డెబ్యూ ఇచ్చిన దర్శకుడు రితేష్ రానా నుండి వస్తోన్న సెకండ్ మూవీ హ్యాపీ బర్త్ డే. లావణ్య త్రిపాఠి ప్రధాన పాత్రలో రూపొందిన ఈ సినిమా జులై 8న విడుదలవుతోంది. క్లాప్ ఎంటర్టైన్మెంట్స్, మైత్రి మూవీ మేకర్స్ సంయుక్తంగా ఈ చిత్రాన్ని నిర్మించాయి. హ్యాపీ బర్త్ డే విడుదల సందర్భంగా రితేష్ రానా మీడియాతో ముచ్చటించారు.

మత్తు వదలరా టీమ్ తోనే హ్యాపీ బర్త్ డే చేసారు?

వాళ్లతో నాకు సింక్ కుదిరింది. మా టీమ్ అంతా పదేళ్లుగా ట్రావెల్ చేస్తున్నాం. ఒకరిని ఒకరం బాగా అర్ధం చేసుకున్నాం.

ట్రైలర్ లో సర్రియల్ కామెడీ అన్నారు?

సర్రియల్ కామెడీ అనే జోనర్ గా ఉంది. అయితే తెలుగులో ఈ జోనర్ లో సినిమా రాలేదు. అలా అని ప్రేక్షకులకు ఎటువంటి కన్ఫ్యూజన్ ఉండదు. సినిమా ప్రమోషన్స్ లో ప్రేక్షకులకు అర్ధమయ్యేలా చెప్పాం.

ఈ సినిమాకు ఏదైనా ప్రేరణ?

ముందే చెప్పినట్లు ఇలాంటి జోనర్ సినిమా రాలేదు. స్క్రీన్ ప్లే నాన్ లీనియర్ గా ఉంటుంది. క్వేంటిన్ టోరెంటినో ‘పల్ప్ ఫిక్షన్’ తరహాలో స్క్రీన్ ప్లే ఉంటుంది.

ట్రైలర్ చూసిన వారు అర్ధం కాలేదని అంటున్నారు?

కథ అర్ధం కాకూడదన్న ఉద్దేశంతోనే ఇలా కట్ చేసాం. ఈ కథ జరిగే ప్రపంచాన్ని పరిచయం చేసాం. పాత్రల తీరు తెన్నులు చూపించాం. కథ సినిమా చూస్తేనే అర్ధమవుతుంది.

మత్తు వదలరా లో చేసిన సత్య, వెన్నెల కిషోర్, అగస్త్యలే ఇందులో కూడా నటించారు?

ఏదైనా సింక్ ఉంటె ఔట్పుట్ బాగుంటుంది అని నమ్ముతాను నేను. అందుకే వాళ్లతోనే మళ్ళీ పనిచేసాను

లావణ్య త్రిపాఠినే తీసుకోవడం గురించి?

ఈ పాత్ర ఆమెకు కొత్తగా ఉంటుంది అనిపించింది. ఈ కథకు ఆమె పాత్ర చాలా ముఖ్యం. కథను ఆమె పాత్ర లీడ్ చేస్తుంది.

ఈ సినిమా మ్యూజిక్ గురించి చెప్పండి

చాలా ప్రాధాన్యత ఉంటుంది సంగీతానికి. సినిమా చాలా క్రేజీగా తీసాం. మ్యూజిక్ డబల్ క్రేజీగా ఉంటుంది.

ప్రమోషన్స్ లో ప్యాన్ తెలుగు అన్నారు? సెటైర్ ఆ?

అలా ఏం లేదండీ. సరదాగా నవ్వుకోవడానికి ఉంటుందని అలా వాడాం. ప్రపంచవ్యాప్తంగా తెలుగులో విడుదలవుతోంది అన్న ఉద్దేశం.

హ్యాపీ బర్త్ డే అన్న టైటిల్ గురించి?

ఇందులో లావణ్య త్రిపాఠి హ్యాపీ అనే పాత్రలో కనిపిస్తుంది. ఆమె బర్త్ డే రోజున కొన్ని కీలకమైన పరిణామాలు జరుగుతాయి. అందుకే ఈ టైటిల్ పెట్టాం.

మరోసారి మైత్రి తోనే చేయడానికి కారణం?

మైత్రి వాళ్లతో సౌకర్యం ఉంటుంది. నా స్టైల్ వాళ్లకు తెలుసు. సినిమాపై ప్యాషన్ ఉన్న నిర్మాతలు

నెక్స్ట్ సినిమాల సంగతేంటి?

రెండు కథలను లాక్ చేశాను. వాటి గురించి త్వరలోనే చెబుతాను. అంటూ ఇంటర్వ్యూ ముగించాడు రితేష్ రానా.