ఉక్రెయిన్‌ పై తొలి దశ యుద్దంలో గెలిచాం ః రష్యా

గత నెల రోజులుగా ఉక్రెయిన్ దేశం పై రష్యా సాగిస్తున్న సైనిక దాడులకు ముగింపు పలికే సమయం వచ్చినట్లుగా అనిపిస్తుంది. తాజాగా రష్యా ఈ పోరులో మొదటి గెలుపు తాము దక్కించుకున్నట్లు గా ప్రకటించింది. దేశంలోని అత్యంత కీలక నగరాలను స్వాధీనం చేసుకోవడంతో పాటు వాటికి సంబంధించిన పూర్తి అధికారాలను రష్యా దక్కించుకున్నట్లు అంతర్జాతీయ మీడియా కథనాలు వస్తున్నాయి.

ఆ ప్రాంతాలకు స్వేచ్ఛ ఇవ్వడంతో పాటు కొత్త ప్రభుత్వాన్ని ఏర్పాటు చేసే దిశగా అడుగులు వేస్తున్నట్లు సమాచారం అందుతోంది. ఇదే సమయంలో ఉక్రెయిన్ రాజధాని విషయం లో కూడా రష్యా ఏమాత్రం తగ్గడం లేదు. త్వరలోనే ఆ పని కూడా పూర్తి చేసి యుద్ధం ముగించి వెనక్కి తిరగాలి అనేది రష్యా యొక్క వ్యూహంగా తెలుస్తోంది. మొదట్లో పోరాడినంతగా ఉక్రెయిన్ అధ్యక్షుడు ఇప్పుడు పోరాడటం లేదు. అందుకే రష్యా పని సులభం అయింది అనేది కొందరి వాదన.