నా పెళ్లి విడాకులు అన్ని కూడా యూట్యూబ్‌ లో చేస్తున్నారు

ప్రముఖ నటి మరియు సోషల్ మీడియా స్టార్‌ హిమజ పెళ్లి అయ్యింది.. తాజాగా విడాకులు తీసుకుందంటూ మీడియా లో వార్తలు వస్తున్నాయి. మీడియాలో వస్తున్న వార్తలతో ఆమె షాక్ అయ్యింది. ప్రస్తుతం మీడియాలో వస్తున్న వార్తలకు ఆమె రెస్పాండ్ అయ్యింది. తాజాగా ఒక వీడియోను షేర్‌ చేసింది. ఆ వీడియో లో హిమజా మాట్లాడుతూ నా పెళ్లి గురించి మీడియాలో వస్తున్న వార్తలు ఆశ్చర్యంగా ఉన్నాయి. నా ప్రమేయం లేకుండానే నాకు పెళ్లి జరుగుతుంది.. అంతే కాకుండా విడాకులు కూడా చేస్తున్నారంటూ ఆమె అసహనం వ్యక్తం చేసింది.

నెట్టింట గత కొన్ని రోజులుగా వస్తున్న వార్తలు చిరాకుగా ఉన్నాయి. మీడియాలో ఇలాంటి వార్తలు పుట్టించే వారికి బుద్ది ఎలాగూ లేదు.. వారి వార్తలు విని ఇలాంటి పుకార్లను ప్రచారం చేసే వారు అయినా ఆలోచించాలి కదా అంటూ హిమజా వ్యాఖ్యలు చేసింది. నా కుటుంబ సభ్యులు మరియు నా సన్నిహితులు నా పై వస్తున్న వార్తల నేపథ్యంలో మానసిక ఆందోళన వ్యక్తం చేస్తున్నారు. నేను ఇలాంటి పుకార్లకు పెద్దగా పట్టించుకోను. కాని కొందరు సన్నిహితులు మళ్లీ మళ్లీ ఈ విషయమై స్పందించాల్సిందిగా కోరడంతో తాను ఇలా స్పందిస్తున్నట్లుగా చెప్పుకొచ్చింది. హిమజ పెళ్లి వార్తలు మరియు విడాకుల వార్తలు పుకార్లే అని మొత్తానికి క్లారిటీ వచ్చింది. ఇక పై అయినా ఇలాంటి పుకార్లు ఆమె గురించి రాకుండా ఉంటాయో చూడాలి. ఇక పెళ్లి ని నాలుగు ఏళ్ల తర్వాత చేసుకుంటాను అంటూ చెప్పుకొచ్చింది.