ఈ అరాచకం ఇప్పుడు మొదలైంది కాదు.. ఏళ్ళు గడిచిపోయాయ్.. బాధితులు పదుల సంఖ్యలో కాదు, వందల సంఖ్యలో వున్నారు.! తెలంగాణలో అధికార పార్టీ ఎమ్మెల్యే వనమా వెంకటేశ్వరరావు తనయుడు వనమా రాఘవ గురించి ఇటు మెయిన్ స్ట్రీమ్ మీడియాలోనూ, అటు సోషల్ మీడియాలోనూ వినిపిస్తోన్న, కనిపిస్తోన్న విశ్లేషణలివి.
మనం మనుషుల మధ్య వున్నామా.? భయంకరమైన క్రూర మృగాల నడుమ వున్నామా.? అంటే, కాస్తో కూస్తో మనుషుల కంటే క్రూరమృగాలే నయమేమో అనిపించకమానదు. ఓ కుటుంబం సామూహికంగా బలవన్మరణానికి పాల్పడటానికి ఎమ్మెల్యే తనయుడు కారణమని తెలిశాక, వ్యవస్థ ఏం చేసింది.?
ఎమ్మెల్యే కొడుకు కాబట్టి, అతన్ని పట్టుకోవడంలో పోలీసులు అసత్వం ప్రదర్శిస్తున్నట్లే కనిపిస్తోంది. పోలీసులకు ఎమ్మెల్యే తన కొడుకుని అప్పగించినట్లుగా వార్తలొచ్చాయి. కానీ, పోలీసులేమో అరెస్టు చేయలేదంటున్నారు. ఇంతకీ, వనమా రాఘవ ఎక్కడ.?
ఇది ఒక్క వనమా రాఘవ గురించి మాత్రమే చర్చించుకోవాల్సిన సందర్భం కాదు. ‘అరగంట చాలు’, ‘ఐదు నిమిషాల్లో పని కానిచ్చేస్తాను..’ అంటున్న ప్రజా ప్రతినిథుల గురించి కూడా జనబాహుళ్యంలో చర్చ జరగాలి. తెలంగాణలో ఓ ప్రజా ప్రతినిథి కొడుకు ఇంతటి హేయమైన పనికి ఒడిగట్టాడని మాట్లాడుకోవడం కాదు. వ్యవస్థలో పైకి పెద్ద మనుషుల్లా చెలామణీ అవుతున్న నరరూప రాక్షసుల గురించి చర్చ జరగాలి.
వందలాది, వేలాది దుర్మార్గాలు అధికార పార్టీ నేతల నుంచి జరిగితే, పదుల సంఖ్యలో కూడా కేసులు నమోదవవు. సోషల్ మీడియాలో ఎవడన్నా అధికార పార్టీ నేతల మీద కామెంట్లు పెడితే అరెస్టులు జరుగుతాయ్. కానీ, అధికార పార్టీ నేతలు హత్యలు, హత్యాయత్నాలు చేసినా సీరియస్ చర్యలుండవ్. ఇదే రాజకీయం.
మన బాసునే విమర్శిస్తావా.? అంటూ, సొంత పార్టీకి చెందిన కింది స్థాయి నేతని అతి కిరాతకంగా చావబాదిన ఓ వైసీపీ మద్దతుదారుడి వ్యవహారం ఆ మధ్య తెరపైకొస్తే, ఆ ఘటనపై సదరు మంత్రిగారు చేసిన తేలికపాటి వ్యాఖ్యలు అందరికీ గుర్తుండే వుంటాయి. ఇలా తగలడింది సమాజం.
మాజీ మంత్రి ఈటెల రాజేందర్ మీద అనుమానం రాగానే కేసులు నమోదయ్యాయి తెలంగాణలో. మరి, వనమా వెంకటేశ్వరరావు తనయుడిపై చర్యలకు ఇంత ఆలస్యమెందుకయ్యింది.? చెప్పుకుంటూ పోతే రాజకీయ వ్యవస్థలో అడుగడుగుకీ ఓ నరరూపరాక్షసుడు కనిపిస్తాడు. కానీ, పోలీసు వ్యవస్థకే అధికార పార్టీలు ‘కళ్ళగంతలు’ కట్టేస్తాయ్ గనుక, వాళ్ళకి మాత్రం ఈ దుర్మార్గాలు కనిపించవ్.!
292046 723414TeenVogue? Searching for fashion advice, celebrity buzz or beauty trends? Discover it all in Teen Vogue 624891
111189 393219Some genuinely marvellous function on behalf of the owner of this internet site , perfectly fantastic content . 436032