ఆ పెళ్లిలతో జాతీయ భద్రతకు ముప్పు

ఒక దేశంకు చెందిన వారు మరో దేశం వారిని పెళ్లి చేసుకోవడం వల్ల జాతీయ భద్రతకు ముప్పు వాటిల్లే అవకాశం ఉందని శ్రీలంక ప్రభుత్వం భావిస్తుంది. అందుకు గాను శ్రీలంకలో కొత్తగా వివాహ చట్టాన్ని తీసుకు వచ్చేందుకు ఏర్పాట్లు చేస్తున్నట్లుగా ప్రకటించారు. వచ్చే ఏడాది జనవరి 1 నుండి ఈ కొత్త చట్టం ను అమలులోకి తీసుకు రాబోతున్నారు.

ఈ చట్టం ప్రకారం కొత్తగా విదేశాలకు చెందిన వారు శ్రీలంక కు చెందిన వారిని వివాహం చేసుకోవాల్సి వస్తే ఖచ్చితంగా రక్షణ శాఖ కు సంబంధించిన అధికారుల నుండి దృవీకరణ పత్రాలు తీసుకోవడంతో పాటు ఖచ్చితమైన నిబంధనలు పాటించాల్సిందిగా కొత్త చట్టంలో ఉండబోతుంది. ఇది దేశ భద్రత కోసమే తప్ప మరే ఉద్దేశ్యం లేదని.. దీనిని దేశ ప్రజలు స్వాగతించాలంటూ విజ్ఞప్తి చేశారు. ఈ కొత్త చట్టం ను ప్రజలు సమర్థిస్తారని ప్రభుత్వం భావిస్తుంది. ప్రజల నుండి ఎలాంటి స్పందన వస్తుంది అనేది చూడాలి.