కాలేజీ యువతి దారుణ హత్య.. మతం మారాలంటూ గతంలో వేధింపులు

కాలేజీలో చదువుకుంటున్న 21 ఏళ్ల యువతిని కిడ్నాప్ చేసేందుకు ప్రయత్నించారు ఇద్దరు యువకులు. ఆమె గట్టిగా ప్రతిఘటించడంతో ఆమెను తుపాకీతో అక్కడే కాల్చి చంపారు. వెంటనే నిందితులు తాము వచ్చిన కారులోనే పారిపోయారు. పట్టపగలే.. కాలేజీ బయటే జరిగిన ఈ దారుణం సంచలనం రేపింది. పోలీసులు తెలిపిన వివరాల ప్రకారం..

హర్యానాలోని ఫరీదాబాద్ కు సమీపంలో బల్లబ్ ఘర్ కు చెందిన నిఖిత తోమార్ స్థానికంగా కాలేజీలో చదువుకుంటోంది. ఆమెను కిడ్నాప్ చేసేందుకు కారులో ఇద్దరు యువకులు వచ్చారు. ఆమె కాలేజ్ బయట కిడ్నాప్ కు యత్నించగా ఆమె గట్టిగా ప్రతిఘటించింది. దీంతో కారులోని మరో వ్యక్తి వచ్చినా ఆమె పట్టు విడవకపోవడంతో ఆమెపై కాల్పులకు తెగబడ్డారు ఆ ఇద్దరు యువకులు. నిఖిత అక్కడే కుప్పకూలిపోయింది. హత్య చేసిన నిందితులు వెంటనే కారులో పరారయ్యారు. ఈ దృశ్యాలన్నీ సీసీ టీవీ కెమెరాల్లో రికార్డయ్యాయి.

ఈ ఘటనపై హర్యానా సీఎం మోహన్ లాల్ ఖట్టర్ సీరియస్ అయ్యారు. నిందితుల్ని వెంటనే పట్టుకోవాలని ఆదేశించారు. నిఖితపై కాల్పులు జరిపిన ఇద్దరు యువకుల్లో యువతిని వేధించింది.. కాల్పులు జరిపింది తౌఫిక్ అనే వ్యక్తిగా గుర్తించారు. వారిద్దరినీ అరెస్ట్ చేశారు. తౌఫిక్ 2018లోనే నిఖితను వేధించాడని తెలుస్తోంది. ఇస్లాంకు మారి తనను పెళ్లి చేసుకోవాలని అప్పట్లో వేధించినట్టు ఆమె కుటుంబసభ్యులు పోలీసులకు తెలిపారు. ఈ ఘటన ప్రస్తుతం తీవ్ర సంచలనం రేపుతోంది.

🔹#Haryana లో కాలేజీ నుంచి బయటకి వస్తున్న 21ఏళ్ల #nikitatomar అనే అమ్మాయిని పట్టపగలే కాల్చిచంపిన తౌఫిక్ అనే యువకుడు

🔹#nikita గత నెలలో తౌఫీక్‌పై వేధింపుల ఫిర్యాదు చేయడం గమనార్హం

🔹లవ్ జిహాద్ కారణమంటున్న స్థానికులు.. ప్రస్తుతం పోలీసుల అదుపులో వున్న నిందితులు

#justicefornikita pic.twitter.com/Z9JVdst2Et

— TeluguBulletin.com (@TeluguBulletin) October 27, 2020