2019 ఎన్నికల్లో బంపర్ విక్టరీ కొట్టిన వైఎస్సార్ కాంగ్రెస్ పార్టీ, 2024 ఎన్నికల్ని అధికార పక్షం హోదాలో ఎదుర్కోబోతోంది. అధికార పక్షంగా ఎన్నికల బరిలోకి దిగితే, ఖచ్చితంగా ‘ప్రభుత్వ వ్యతిరేక ఓటు’ దెబ్బ తినాల్సి వస్తుంది. అది ఎంత తక్కువగా వుంటే అంత మంచిది ఏ అధికార పార్టీకి అయినా. ప్రభుత్వ వ్యతిరేక ఓటు జీరో.. అన్న అవకాశమే వుండదు.. ఎంత గొప్పగా పరిపాలించేసినా.
కానీ, ఆంధ్రప్రదేశ్లో అధికార పార్టీ పరిస్థితి అత్యంత దారుణంగా తయారైందిప్పుడు. పైకి చెప్పుకోలేకపోతున్నారుగానీ, మంత్రి పదవులు పోగొట్టుకున్నవారు, రెండేళ్ళలోపలే పదవులు పోగొట్టుకునేవాళ్ళు.. లోలోపల కుమిలిపోతున్న వైనం కనిపిస్తూనే వుంది.
దీనికి తోడు, జనంలోకి వెళుతోంటే వైసీపీ ప్రజా ప్రతినిథులకు ఛీత్కార స్వాగతాలు లభిస్తున్నాయి. దాంతో, వచ్చే ఎన్నికల్ని ఫేస్ చేయడం అంత తేలిక కాదని, వైసీపీలో అందరికీ అర్థమయిపోయింది.. ముఖ్యమంత్రి వైఎస్ జగన్ మోహన్ రెడ్డి సహా. అయినాగానీ, పైకి ఆ బాధ కనిపించనీయకూడదు కదా.? అందుకే, మేకపోతు గాంభీర్యం ప్రదర్శిస్తోంది వైసీపీ.
ఇక, వచ్చే ఎన్నికల్లో టీడీపీ – జనసేన కలిసి పోటీ చేస్తే ఎలా వుంటుంది.? విడివిడిగా ఆ రెండు పార్టీలు పోటీ చేస్తే ఎలా వుంటుంది.? అన్నదానిపై ఇప్పటికే వ్యూహకర్త ప్రశాంత్ కిషోర్ నుంచి నివేదికలు తెప్పించుకుంది వైసీపీ. ప్రభుత్వ వ్యతిరేక ఓటు చీలిపోతే ఖచ్చితంగా అది అధికార పార్టీకి కలిసొస్తుంది. ఆ కారణంగానే, ‘దమ్ముంటే విడివిడిగా పోటీ చెయ్యండి..’ అంటూ టీడీపీ, జనసేన పార్టీలకు సవాల్ విసురుతోంది వైసీపీ.
నిజానికి, రాష్ట్రంలో వైసీపీ వ్యతిరేక ఓటు మాత్రమే కాదు, టీడీపీ వ్యతిరేక ఓటు కూడా వుంది. అదే ఆంధ్రప్రదేశ్ రాజకీయాల్లో ఈసారి ప్రత్యేకం. ఆ రెండు వ్యతిరేక ఓట్లు.. అనూహ్యంగా జనసేనకు కలిసొస్తే.? ఈ ముక్కోణపు పోటీలో, వైసీపీ ఖచ్చితంగా దెబ్బ తింటుంంది. టీడీపీ కంటే కింది స్థాయికి వైసీపీ పడిపోయినా ఆశ్చర్యపోనక్కర్లేదు.
అదే గనుక జరిగితే, జనసేన అధికారంలోకి రావడం, టీడీపీ తప్పనిసరి పరిస్థితుల్లో జనసేనతో సఖ్యతగా వుండాల్సి రావడం, చివరికి వైసీపీని రాజకీయంగా అంతమొందించడం జరిగిపోతాయని వైసీపీ అధిష్టానం ఆందోళన చెందుతోందన్నది ఓ రాజకీయ విశ్లేషణ. ఇది నిజమయ్యే అవకాశాలే ఎక్కువగా కనిపిస్తున్నాయి.
421981 850508Excellent post, Im searching forward to hear more from you!! 573034
627142 717416 Spot on with this write-up, I truly feel this website needs considerably a lot more consideration. Ill probably be once more to read significantly more, thanks for that info. 314087