బాబు కోసమే పవన్ తపన..! నాడు ప్రశ్నించలేదే..?: పేర్ని నాని, వెల్లంపల్లి

జనసేన ఆవిర్భావ సభ సందర్భంగా వైసీపీ నేతలపై తీవ్ర విమర్శలు చేశారు జనసేన అధినేత పవన్ కల్యాణ్. దీనిపై వైసీపీ మంత్రులు పేర్ని నాని, వెల్లంపల్లి శ్రీనివాస్ స్పందించారు. పవన్ పై ప్రతివిమర్శలు చేశారు. మంత్రి పేర్ని నాని స్పందిస్తూ.. ‘సంస్కారం ఉన్న పవన్ కల్యాణ్ అన్నయ్య చిరంజీవికి ఎందుకు నమస్కారం చేయలేదు..? సీఎం జగన్‌ను ద్వేషించడమే పవన్ సిద్దాంతం. టీడీపీ బాగుండాలనదే పవన్ తపన. పార్టీ పెట్టినప్పటి నుంచి పవన్ నిర్ణయాలతో రాష్ట్ర ప్రజలకు ఒరిగిందేమిటి..? అమరావతి కుల రాజధాని అన్న మాటలు గుర్తు లేదా..? 2014-2019 వరకు పవన్ ఎందుకు  ప్రశ్నించలేదు..?

విశాఖ రైల్వే జోన్, విశాఖ ఉక్కు, విభజన హామీలు, కడప ఉక్కు ప్యాక్టరీ, పోలవరం, ప్రత్యేక హోదా.. అంశాలపై కేంద్రాన్ని పవన్ ఎందుకు అడగరు..? బీమ్లా నాయక్ ప్రీ రిలీజ్ ఈవెంట్‌కు.. నేటి సభకు తేడా లేదు. నీకు లెక్కలు రాసిచ్చినోడికి తెలియదా.. అప్పులు ఎవరి పాలనలో ఎంత అయ్యాయో..? చంద్రబాబును మళ్లీ అధికారంలోకి తేవడమే పవన్ లక్ష్యం. పవన్ కల్యాణ్‌ ఏపీకి గెస్ట్.. టూరిస్ట్. పార్టీలు మారే పవన్ కల్యాణ్ జంపింగ్ జపాంగ్.

మంత్రి వెలంపల్లి శ్రీనివాస్ స్పందిస్తూ.. ‘పవన్ ఒక రబ్బర్ సింగ్. పార్టీ ఎందుకు పెట్టాడో మరోసారి క్లారిటీ ఇచ్చాడు. చంద్రబాబుతో కలిసి పనిచేస్తానని చెప్పకనే చెప్పాడు. సోనియా గాంధీ ఎన్ని ఇబ్బందులు పెట్టినా ఎన్నికల్లో గెలిచాం. మధ్యాహ్నం మీటింగ్, సాయంత్రం ఫామ్ హౌస్ లో ఉండే వారికి రాజకీయాలు ఎందుకు. పవన్ బెదిరింపులకు ఎవరూ భయపడరు. పవన్ రాజకీయాల్లో ఊసరవెల్లి. సీఎం జోలికొచ్చినా.. వైసీపీ జోలికొచ్చినా ఖబద్దార్. టీడీపీ దేవాలయాలు కూల్చినప్పుడు గాడిదలు కాసావా… పందులు కాసావా..? పవన్ కళ్యాణ్ కమెడియన్ లాంటి వాడు. నాగబాబు, పవన్ కళ్యాణ్ కు వైసీపీ గురించి మాట్లాడే నైతిక అర్హత లేదు’ అని అన్నారు.