నగిరి మునిసిపాలిటీ పరిధిలో అధికారులకు మాస్క్లు అందుబాటులో లేవంటూ కమిషనర్ స్ఠాయి వ్యక్తి ఆవేదన వ్యక్తం చేస్తే, పరిస్థితిని అర్థం చేసుకుని.. సమస్యను పరిష్కరించాల్సిన ప్రభుత్వం, సదరు అధికారిపై వేటు వేసింది. మాస్క్లు, బాడీ సూట్లు లేకపోవడంతో విధి నిర్వహణ కష్టతరమవుతోందన్నది సదరు అధికారి ఆరోపణ. ఆ అధికారిపై వేటు పడటం సంగతి పక్కన పెడితే, నగిరి ఎమ్మెల్యే రోజా మాత్రం, నిత్యం జనంలో వుంటున్నారు.
మాస్క్ల్ని జనాలకు పంచి పెడుతున్నారు.. వైరస్ని నివారించేందుకోసం డిస్ ఇన్ఫెక్టెంట్ ద్రావణాన్ని స్వయంగా తన చేతుల మీదుగా చల్లేస్తున్నారు. మంచిదే.. జనంలోకి నేతలు వెళ్ళడం అవసరమే. విపత్తుల వేళ ఇలాంటి చర్యలు ప్రజలకు భరోసానిస్తాయి కూడా. అయితే, అధికారుల్ని, సిబ్బందిని పనిచేయనీయకుండా ప్రజా ప్రతినిథులు పబ్లిసిటీ స్టంట్లు చేస్తేనే సమస్య ముదిరి పాకాన పడుతుంది. పైగా, కరోనా వైరస్ ఒకరి నుంచి ఇంకొకరికి వేగంగా వ్యాప్తి చెందుతుంది. ప్రజా ప్రతినిథులకు ఏమవుతుందోనని అధికారులు హైరానా పడాల్సి వస్తోంది.
ఒక్క నగిరిలోనే కాదు, ఆంధ్రప్రదేశ్లో చాలా చోట్ల అధికార పార్టీ నేతల అత్యుత్సాహం ఇలాగే కన్పిస్తోంది. ‘వీడియో సరిగ్గా వస్తోందా.?’, ‘ఫొటోకి పోజు సరిపోతుందా.?’ అంటూ ‘ప్రజా సేవ’ చేసేస్తున్నారు వైసీపీ నేతలు. మొన్నటికి మొన్న మంత్రి అవంతి శ్రీనివాస్, కరోనా ఐసోలేషన్ వార్డ్కి ప్రారంభోత్సవం చేశారు. ఈ క్రమంలో రిబ్బన్ కటింగ్ చేయడానికి ప్రయత్నిస్తే కత్తెర మొరాయించింది. అంతకు ముందు వరకూ మొహానికి మాస్క్ వేసుకున్న అవంతి శ్రీనివాస్, ఫొటో కోసం మాస్క్ని తీసేశారు.
‘సోషల్ డిస్టెన్స్’తోనే కరోనా వైరస్ని నియంత్రించగలమని ఓ పక్క ప్రభుత్వం చెబుతోంటే, అధికార పార్టీ నేతలు పబ్లిసిటీ కోసం జనాల్లోకి వెళుతూ, సోషల్ డిస్టెన్స్ని అటకెక్కించేస్తున్నారు. అనుచరులతో హంగామా చేస్తున్నారు. చిత్తూరు జిల్లాలో అధికార పార్టీ చేపట్టిన ట్రాక్టర్ల ర్యాలీ ఇప్పుడు పెను దుమారం రేపుతోంది. ర్యాలీ పేరుతో పెద్దయెత్తున జనాన్ని రోడ్ల మీదకి తీసుకొచ్చారు సదరు వైసీపీ నేత. ఇప్పటిదాకా శవ రాజకీయాల గురించి విన్నాం.. ఇప్పుడు వైరస్ రాజకీయాలు చూస్తున్నాం.. అంతే తేడా.!
815009 912776Good post. It does shed some light on the issue. By the for those interested in binary options can get an exclusive binary options bonus. 412270
267903 94427I think one of your commercials caused my web browser to resize, you may well want to put that on your blacklist. 331036
877328 810874This really is a terrific site, could you be interested in performing an interview about just how you developed it? If so e-mail me! 769085
36184 727724Looking forward to look you. 512402