కేవలం.. అరగంటలోనే మేటర్ మొత్తం మారిపోయింది. రాజకీయ నాయకుల్ని ‘ఊసరవెల్లి’తో పోల్చుతుంటాంగానీ.. అలా పోల్చాల్సి రావడాన్ని ఊసరవెల్లి కూడా అవమానంగా భావిస్తుందేమో. ఆ పార్టీ ఈ పార్టీ అన్న తేడాల్లేవు.. ఈ విషయంలో అన్ని రాజకీయ పార్టీలకు చెందిన నేతలూ ఒకే తాటి మీద వుంటారు మరి.. అదే మాట మార్చడంలో.
అసలు విషయానికొస్తే, వైఎస్సార్సీపీ ఎమ్మెల్యే, ఏపీఐఐసీ ఛైర్ పర్సర్ రోజా, రాష్ట్రంలో స్థానిక ఎన్నికల వాయిదాపై సంచలన వ్యాఖ్యలు చేశారు. టీడీపిని ఏకి పారేశారు. కరోనా తీవ్రత నేపథ్యంలోనే స్టేట్ ఎలక్షన్ కమిషనర్ బాధ్యతాయుతంగా వ్యవహరించి ఆ నిర్ణయం తీసుకున్నారు తప్ప, దీని వెనుకాల వైసీపీ కుట్ర ఏమీ లేదని వివరణ ఇచ్చేసుకున్నారు రోజా.
ఏమయ్యిందోగానీ, కాస్సేపటికే ఆమె మాట మార్చేశారు. స్థానిక ఎన్నికల ప్రక్రియ వాయిదా పడ్డం పట్ల గుస్సా అయ్యారు. మళ్ళీ ఇక్కడ టీడీపీపై షరామామూలుగానే దుమ్మెత్తిపోసేశారు. ఇంతలోనే అంత మార్పు ఎలా సాధ్యమయ్యిందట.? అంటే, ‘నోటి దురుసుతనానికి కేరాఫ్ అడ్రస్ అయిన రోజా’ విషయంలో వైఎస్ జగన్ మరోమారు అసహనానికి గురయ్యారట.
రాష్ట్ర ఎన్నికల ప్రధాన అధికారి అడ్డగోలుగా నిర్ణయం తీసుకుంటే, ఆ నిర్ణయాన్ని సమర్థించడమేంటి.? అంటూ స్వయంగా ఎమ్మెల్యే రోజాకి క్లాస్ పీకారట వైఎస్ జగన్. దాంతో, క్షణం ఆలోచించకుండా.. వెంటనే ఇంకోసారి మీడియా ముందుకొచ్చి, ఈసారి జగన్ ఆలోచనలకు తగ్గట్టుగా రోజా మాట్లాడారంటూ వైసీపీ వర్గాల్లోనే చర్చ జరుగుతోంది.
ఏమో, జగన్ అలా క్లాస్ పీకారో లేదోగానీ.. పీకారన్న విషయం స్పష్టమయ్యేలా కొన్ని వీడియోలు అయితే సోషల్ మీడియాలో సర్క్యులేట్ అవుతున్నాయి. అరగంట ముందు, అరగంట తర్వాత.. రోజాలో ఊహించని మార్పు.. అంటూ సంచరిస్తోన్న ఈ వీడియోలు పాపం, రోజమ్మని రాజకీయంగా తెగ ఇబ్బంది పెట్టేస్తున్నాయి. పదే పదే నారా లోకేష్ని ‘పప్పు’ అనే రోజా, ఈ మాట మార్చే నైజం గురించి ఎలా సమర్థించుకుంటారో మరి.!
869401 340701I recognize there is a superb deal of spam on this internet site. Do you want aid cleaning them up? I might support in between courses! 632497
563272 322185Some truly good stuff on this website , I like it. 232581