విచక్షణ అధికారాలు ఆంధ్రప్రదేశ్ లో మరోసారి చర్చకు వచ్చాయి. మొన్న శాసనమండలిలో ఇవే అధికారాలు వినియోగించి రెండు బిల్లులను సెలెక్ట్ కమిటీకి పంపిస్తూ మండలి చైర్మన్ షరీఫ్ తీసుకున్న నిర్ణయంపై దుమారం రేగిన సంగతి తెలిసిందే. తాజాగా రాష్ట్ర ఎన్నికల కమిషనర్ నిమ్మగడ్డ రమేశ్ కుమార్ తన విచక్షణ అధికారాలతో ఏపీలో స్థానిక ఎన్నికలను ఆరు వారాలపాటు వాయిదా వేయడంపై అధికార పార్టీ తీవ్రంగా మండిపడుతోంది. వాస్తవానికి ఈ రెండు విచక్షణ నిర్ణయాలూ ప్రతిపక్ష తెలుగుదేశం పార్టీకి అనుకూలంగా కనిపిస్తుండటంతో అధికార పార్టీ ఆగ్రహంతో రగిలిపోతోంది.
ఈ నేపథ్యంలో విచక్షణ అంటే ఏమిటి, నిజంగా విచక్షణతోనే ఈ అధికారాలను వినియోగిస్తున్నారా అనే చర్చ తెరపైకి వచ్చింది. అత్యున్నత రాజ్యాంగ సంస్థలు కొన్ని ప్రత్యేక పరిస్థితుల్లో నిబంధనలు అనుమతించినా, అనుమతించకపోయినా విచక్షణ మేరకు నిర్ణయం తీసుకునే అవకాశాన్ని రాజ్యాంగం కల్పించింది. అయితే, వీటిని ఎవరికి అనుకూలంగా వారు మలుచుకుని పైచేయి సాధిస్తున్నారు. పార్టీ ఫిరాయించిన ఎమ్మెల్యేలపై వేటు వేసే విషయంలోనూ తాత్సారం చేయడం చూస్తున్నాం. ఇదేంటని అడిగితే.. అది స్పీకర్ అధికారం అని, అందులో న్యాయస్థానాలు కూడా జోక్యం చేసుకోజాలవనే వాదన తేవడం చూశాం.
మొన్న మండలి చైర్మన్ షరీఫ్ నిర్ణయమైనా, ఇప్పుడు ఎస్ఈసీ రమేశ్ కుమార్ నిర్ణయమైనా.. వాటిని తీసుకోవడం వెనుక సదుద్దేశాలు ఉండొచ్చు. కానీ ఆయా నిర్ణయాలు తీసుకోవడంలో వారు అనుసరించిన వైఖరే పలు సందేహాలకు తావిస్తోందన్నది నిర్వివాదాంశం. కరోనా వైరస్ ప్రబలకుండా ముందు జాగ్రత్త చర్యలు తీసుకోవడంల భాగంగా ఎన్నికల వాయిదా వేయడం సరైన నిర్ణయమే. అయితే, దీనిపై ఎస్ఈసీ సంబంధిత అధికారులతో మాట్లాడి తన నిర్ణయం వెలువరిస్తే ఈ సమస్యే ఉండేది కాదు. ఇప్పుడు ప్రభుత్వం ప్రశ్నిస్తోంది అదే.
ఎన్నికల వాయిదాపై ఎవరితో సంప్రదించారు అని అడిగితే.. తాను కేంద్ర అధికారులతో మాట్లాడానని ఆదివారం సాయంత్రం విడుదల చేసిన రెండో ప్రెస్ నోట్ లో ఎస్ఈసీ పేర్కొన్నారు. అయితే, వారి వివరాలు మాత్రం ఆయన పొందుపరచలేదు. ఎన్నికల వాయిదా అనే కీలక నిర్ణయం తీసుకునే ముందు వైద్య అధికారులతోనో లేక సీఎస్ తోనే మాట్లాడితే ఇది వివాదాస్పదం అయ్యేది కాదనే అభిప్రాయాలు వ్యక్తమవుతున్నాయి. పైగా ఎస్ఈసీ కుమార్తె శరణ్య.. చంద్రబాబు హాయంలో పదవి పొంది ఉండటం కూడా ఆయన తాజాగా తీసుకున్న నిర్ణయం శంకించే విధంగా ఉంది. ఈ నేపథ్యంలో ఆయన ఏయే అధికారులతో ఎప్పుడు మాట్లాడారో వివరిస్తే తనపై వస్తున్న ఆరోపణలకు సమాధానం ఇచ్చినట్టు అవుతుంది.
294296 415571Hello I located the Free Simple Shopping Icons Download | Style, Tech and Internet post very fascinating therefore Ive included our track-back for it on my own webpage, continue the wonderful job:) 646417
614438 509922Wow, remarkable weblog layout! How long have you been blogging for? you make blogging appear straightforward. The overall look of your web site is amazing, as well as the content material! 21801
697786 450668Thank you for the auspicious writeup. It in reality was a amusement account it. Appear complicated to far delivered agreeable from you! Nevertheless, how can we maintain in touch? 858891
676823 283992You got a quite outstanding web site, Glad I noticed it via yahoo. 714943