జనసేన అధినేతపై కొనసాగుతున్న ‘కరోనా ఏడుపు’

మాజీ ప్రధాన మంత్రికీ, పలు రాష్ట్రాల ముఖ్యమంత్రులకీ కరోనా సోకింది. ఎమ్మెల్యేలు, ఎంపీలు కరోనా బారిన పడుతున్నారు.. కొందరు ప్రాణాలు కోల్పోతున్నారు కూడా. కరోనా విషయంలో ఎవరి మీదన్నా వెటకారాలు చేయడమంటే, అంతకన్నా దుర్మార్గం ఇంకోటుండదు. కానీ, జనసేన అధినేత పవన్ కళ్యాణ్ విషయంలో మాత్రం కరోనా పేరు చెప్పి ‘జుగుప్సాకరమైన దాడి’ నిస్సిగ్గుగా కొనసాగుతూనే వుంది.

జనసేన అధినేత పవన్ కళ్యాణ్ కరోనా బారిన పడినప్పటినుంచీ, ఆయన మీద అవాకులు చెవాకులు పేలుతూనే వున్నారు. ‘కరోనా సోకిందో.. లేదంటే, ప్యాకేజీలో భాగంగా కరెన్సీ దక్కలేదనో..’ అంటూ కొన్నాళ్ళ క్రితం వైసీపీకి చెందిన ఓ నేత (ఈయన కూడా గతంలో కరోనా బారిన పడ్డాడు) పవన్ కళ్యాణ్ మీద సెటైర్లేసిన విషయం విదితమే.

కాగా, జనసేన అధినేత కరోనా నుంచి కోలుకున్నారనీ, ఆయనకు నిర్వహించిన తాజా పరీక్షల్లో నెగెటివ్ వచ్చిందనీ మీడియాలో ఊహాగానాలు రావడంతో, ‘అదెలా సాధ్యం.? నాలుగు రోజుల్లోనే నెగెటివ్ రావడమేంటి.?’ అంటూ పనికిమాలిన చర్చ మొదలు పెట్టారు కొందరు. ఇదెక్కడి పైత్యం.? ఓ వ్యక్తి కరోనా బారిన పడి, కోలుకుంటే కూడా ఓర్వలేనితనాన్ని ఎలా అర్థం చేసుకోవాలి.?

ఇక, ఆంధ్రపదేశ్ రాష్ట్రంలో ‘వకీల్ సాబ్’ సినిమాకి ఎదురైన అడ్డంకులు అందరికీ తెలిసిందే. తెలంగాణలో నైట్ కర్ఫ్యూ అమల్లోకి రావడంతో, సినిమా థియేటర్లు మూతపడినా, ‘వకీల్ సాబ్’ ప్రదర్శితమవుతున్న థియేటర్లకు మినహాయింపునిచ్చారు.. అదీ సినీ పరిశ్రమ తరఫున. దాన్ని సైతం, ఏపీలో కొందరు రాజకీయ నాయకులు, బులుగు మీడియా జీర్ణించుకోలేకపోతోంది. ‘వకీల్ సాబ్’ సినిమాకెళితే ఇమ్యూనిటీ పెరుగుతుందా.? అని ప్రశ్నిస్తోన్న బులుగు బ్యాచ్, ఏపీలో సినిమా థియేటర్లను ఎందుకు మూసివేయలేకపోతోందన్న ప్రశ్నకు సమాధానం చెప్పగలదా.?

అవన్నీ పక్కన పెడితే, విద్యార్థుల ప్రాణాల్ని పణంగా పెట్టి ప్రభుత్వం పరీక్షల నిర్వహణకు సిద్ధమవుతోంది. దీనిపై పెదవి విప్పేంత సీన్ బులుగు కార్యకర్తలకి వుంటుందని ఎలా అనుకోగలం.? అది చేతకాదుగానీ, పవన్ కళ్యాణ్ మీద పడి ఏడవడం మాత్రం అటు బులుగు మీడియా, ఇటు బులుగు కార్యకర్తలూ ఎగేసుకుంటూ వచ్చేస్తారంతే.