మీడియాకి అలర్ట్: మీడియాపై కేసులు పెట్టే టీంని రంగంలోకి దింపిన వైసీపీ వైసీపీ

ప్రభుత్వానికి వ్యతిరేకంగా నిరాధారమైన, వాస్తవ విరుద్ధమైన, తప్పుడు కథనాలు ప్రచురించినా.. ప్రసారం చేసినా సదరు మీడియా సంస్థలపై కేసులు పెట్టే అధికారాన్ని ఆయా శాఖల అధిపతులకు కట్టబెడుతూ జగన్ సర్కారు జీవో నెం.2430 జారీచేసిన సంగతి తెలిసిందే. పత్రికా స్వేచ్ఛను అణగదొక్కే చర్య అని ప్రతిపక్షాలు ఈ జోవోను ఉపసంహరించాలని సవాల్ చేస్తూ హైకోర్టులో పిటిషన్ దాఖలు చేయగా, వాదప్రతివాదనలు విన్నాక హై కోర్ట్ ప్రతిపక్ష పార్టల పిటీషన్ ని కొట్టి పారేస్తూ మీడియా సంస్థలపై కేసులు పెట్టడానికి వీలుగా తీసుకొచ్చిన జీవోను సమర్థించిందని మీకు ఇదివరకే తెలిపాం.

ఈ జీవోకి ఆమోదం దొరికిన కొద్దీ గంటల్లోనే ఏపీ సర్కార్ ఆచరణలో పెట్టేసింది. అధికార పార్టీ వైసీపీకి వ్యతిరేకంగా పత్రికలు, సామాజిక మాధ్యమాలు, డిజిటల్, ఎలక్ట్రానిక్ మీడియాలో ప్రభుత్వ పథకాలు, కార్యక్రమాలపై ప్రసారమైన కథనాలు, వార్తలు, సమాచారంపై నిరంతర పర్యవేక్షణకు ఎనిమిది మందిని ‘స్టేట్‌ టెక్నికల్‌ కోఆర్డినేటర్లు’గా ఆంధప్రదేశ్‌ ప్రభుత్వం నియమించింది.

>> ఆ ఎనిమిది మంది లిస్ట్ – చేకూరి కిరణ్‌, జక్కం సుధాకర్‌రెడ్డి, మల్లాది సందీప్‌కుమార్‌, ఎ.లింగారెడ్డి, కేపీ ప్రసాద్‌రెడ్డి, ఐ.నారాయణరెడ్డి, జి.దశరథరామిరెడ్డి, వై.రాజశేఖర్‌రెడ్డి ఉన్నారు.

>> ఈ ఎనిమిది మంది ఎప్పటికప్పుడు సమాచారం, కథనాలపై నివేదికలను రూపొందిస్తూ వాటిని ముఖ్యమంత్రి కార్యాలయానికి (సీఎంవో)కు ఎప్పటికప్పుడు నివేదిక అందిస్తారు.

>> ఈ బృందం సభ్యులను గతంలో ‘సాంకేతిక సమన్వయకర్తలు’ అనే పేరుతో ప్రభుత్వం నియమించగా,ఇప్పుడు ఆ పేరుని ‘రాష్ట్ర సాంకేతిక సమన్వయ కర్తలు’గా మారుస్తూ ఉత్తర్వులు జారీ చేసింది.

>> అలాగే ఈ టీం రియల్ టైం గవర్నెన్స్ (ఆర్టీజీఎస్) సీఈవో ఆధ్వర్యంలోని విభాగంలో పనిచేయనున్నారని ప్రభుత్వం నియామక ఉత్తర్వుల్లో తెలిపింది.