మెగాస్టార్ చిరంజీవి ప్రస్తుతం సినిమా కెరీర్ మీదనే ఫోకస్ పెట్టారు. రాజకీయాలపై తనకు పెద్దగా ఆసక్తి లేదని ఆయన పదే పదే చెబుతున్నారు. 2009 ఎన్నికల సమయంలో ప్రజారాజ్యం పార్టీ ద్వారా ప్రజల ముందుకు వెళ్ళిన చిరంజీవి, అధికారాన్ని దక్కించుకోలేకపోయినా చెప్పుకోదగ్గ స్థాయిలో ఓట్లు, సీట్లు సంపాదించుకున్నారన్నది నిర్వివాదాంశం. అయితే, రాష్ట్ర విభజన సహా.. అనేక అంశాలు చిరంజీవి రాజకీయాల్లో నిలదొక్కుకోలేని పరిస్థితిని తీసుకొచ్చాయి. కులం పేరుతో, ప్రాంతం పేరుతో చిరంజీవి జరిగిన రాజకీయ రచ్చ అంతా ఇంతా కాదు. చిత్రంగా ఎవరైనా ఆ తరహా నీఛ నికృష్ట రాజకీయాలు చేశారో.. వాళ్ళంతా ఇప్పుడు రాజకీయాల్లో బాగానే వున్నారు. అదే మరి, రాజకీయం అంటే.
ఇక, ఇప్పుడు చిరంజీవి బీజేపీలో చేరతారనే ప్రచారానికి తెరలేపారు కొందరు. పైగా, చిరంజీవి చుట్టూ మళ్ళీ ‘క్యాస్ట్ ఈక్వేషన్స్’ని తెరపైకి తెస్తున్నారు. ‘కాపు’ కోటాలో చిరంజీవిని బీజేపీ ఆకర్షిస్తోందన్నది ఆ విశ్లేషణల సారాంశం. ప్రస్తుతం రాజకీయాలు ‘కులం, మతం, ప్రాంతం’ ప్రాతిపదికన నడుస్తున్నాయి గనుక.. ఏమో, అలాంటి ‘స్కెచ్’ వెనకాల నడుస్తోందో ఏమో కూడా.! అయితే, కేవలం చిరంజీవి చుట్టూనే ఎందుకు ఈ కులం ముద్ర.? అంటే, ఇక్కడ మేటర్ క్లియర్. చిరంజీవికి వున్న ‘అందరివాడు’ అనే ఇమేజ్ని చెడగొట్టడం కోసమే. ‘చిరంజీవి మా పార్టీలోకి వస్తామంటే ఆహ్వానిస్తాం..’ అని బీజేపీ నేతలు ఇప్పటికే స్టేట్మెంట్లు ఇచ్చేశారు. ఆ మాటకొస్తే, చిరంజీవికి రాజ్యసభ సీటుతోపాటు, కేంద్ర మంత్రి పదవిని కూడా గతంలో బీజేపీ ఆఫర్ చేసినట్లు ప్రచారం జరిగింది. తాజాగా, బీజేపీ ఏపీ అధ్యక్షుడు సోము వీర్రాజు, హైద్రాబాద్లో చిరంజీవిని ప్రత్యేకంగా కలవడంతో మళ్ళీ మెగాస్టార్ రాజకీయాల్లోకి రాబోతున్నారన్న ప్రచారం షురూ అయ్యింది.
అయితే, మెగాస్టార్ చిరంజీవి సన్నిహితులు మాత్రం ఈ ప్రచారాన్ని కొట్టి పారేస్తున్నారు. చిరంజీవికి టీఆర్ఎస్తో సన్నిహిత సంబంధాలున్నాయి.. వైసీపీతో సన్నిహిత సంబంధాలున్నాయి.. అలాగని ఆయన ఏ పార్టీనీ బహిరంగంగా సమర్థించడంలేదు. ‘మా కుటుంబంలో ఒకటే పార్టీ..’ అని ఇటీవలే తన సోదరుడు, జనసేన పార్టీ అధినేత పవన్ కళ్యాణ్ గురించిన ప్రస్తావన వచ్చినప్పుడు చిరంజీవి చెప్పిన దరిమిలా.. జనసేన పార్టీలో సైతం ఆయన చేరకపోయినా.. జనసేన పార్టీకి ‘మెగా’ ఆశీస్సులు మాత్రం అందిస్తుంటారన్నమాట. ఇక, బీజేపీలో చేరడం సంగతంటారా.. అది చిరంజీవి మీద బురద చల్లే క్రమంలో తెరపైకొచ్చిన ‘క్యాస్ట్ పైత్యం’ మాత్రమే కావొచ్చు.
36750 717903Sweet web website , super layout, real clean and utilize pleasant. 137039