ఎన్నికల ప్రచారంలో వడదెబ్బ.. ఇప్పుడేమో వెన్ను నొప్పి.. ఇలాగైతే రాజకీయాల్లో నెట్టుకురాగలగడం ఎలా.? అన్న చర్చ పవన్ కళ్యాణ్‌ విషయంలో జనసేన పార్టీ శ్రేణుల్లోనే చాలా జోరుగా సాగుతోంది. రాజకీయాల్లో గెలుపోటములు సహజం.. ఓటమితో కుంగిపోకుండా, పార్టీని మరింత ఉత్సాహంగా ముందుకు నడిపించగలగాలి. కానీ, పవన్ కళ్యాణ్‌ మాత్రం ఆ స్థాయిలో పార్టీని జనంలోకి తీసుకెళ్ళలేకపోతున్నారు.
‘సేవ్‌ నల్లమల’ అంటూ బాగానే నినదించారు.. వైఎస్సార్‌ కాంగ్రెస్‌ ప్రభుత్వ వైఫల్యాల్నీ ప్రశ్నించారు.. కానీ, రావాల్సిన స్థాయిలో జనసేన కార్యకర్తల్లో ఉత్సాహం రాలేదు. ఇదిలా వుంటే, పవన్ కళ్యాణ్‌ తీవ్రమైన వెన్ను నొప్పితో బాధపడుతున్నారనీ, పరిస్థితి మరింత తీవ్రతరం కావడంతో.. ఆయన ప్రస్తుతం సంప్రదాయ వైద్య చికిత్స తీసుకుంటున్నారనీ గుసగుసలు గుప్పుమంటున్నాయి.
‘సర్జరీ తప్ప వేరే ప్రత్యామ్నాయం లేదు.. పవన్ కళ్యాణ్‌ మాత్రం మొండిగా సంప్రదాయ వైద్యం పేరు చెప్పి, సమస్య ముదిరేలా చేసుకుంటున్నారు..’ అంటూ ఊహాగానాలు విన్పిస్తున్న వేళ, జనసేన పార్టీ నుంచి మాత్రం పవన్ కళ్యాణ్‌ ఆరోగ్యంపై ఎలాంటి స్పష్టతా రాకపోవడం గమనార్హం.
గతంలో కంటికి సంబంధించిన సమస్య తలెత్తితే, దాన్నీ నిర్లక్ష్యం చేశారు పవన్ కళ్యాణ్‌. చివరికి అది కూడా శస్త్ర చికిత్సకు దారి తీసింది. ఒకటికి రెండు సార్లు శస్త్ర చికిత్స చేసుకోవాల్సి వచ్చింది. సినిమాల్లో వున్నప్పుడే పవన్ కళ్యాణ్‌కి వెన్ను నొప్పి వచ్చింది. ఆ విషయాన్ని ఇటీవలే పవన్ వెల్లడించారు కూడా.
రాజకీయాలంటే క్షణం తీరిక లేని వ్యవహారం. అలాంటప్పుడు ఫిట్‌నెస్‌ మీద చాలా శ్రద్ధ వుండాలి. స్వతహాగా ఫిట్‌నెస్‌ మీద చాలా ఎఫర్ట్స్‌ పెట్టే పవన్ కళ్యాణ్‌, రాజకీయాల కారణంగా ఫిట్‌నెస్‌ని పక్కన పడేశారు. ఏదిఏమైనా, జరుగుతున్న పరిణామాలు జనసైనికుల్లో తీవ్ర ఆందోళనని క్రియేట్ చేస్తున్నాయి. వున్న పళంగా పవన్ తన ఆరోగ్యం విషయంలో వస్తున్న ఊహాగానాలకి స్వయంగా చెక్‌ పెట్టి తీరాల్సిందే.
225864 14802Admiring the time and energy you put into your blog and in depth info you offer. It is good to come across a blog every once in a although that isnt exactly the same old rehashed material. Fantastic read! Ive bookmarked your website and Im adding your RSS feeds to my Google account. 194925
395911 834146Hello! Nice post! Please do maintain us posted when we can see a follow up! 31830