Viral Video: తల్లిదండ్రులు గర్వించే స్థాయికి పిల్లలు ఎదిగితే అదే వారికి అత్యంత సంతోషకరమైన విషయం. దీనిని నిరూపించాడు ప్రదీప్ కృష్ణన్ అనే విమాన పైలట్. తల్లి, తాత, బామ్మను విమానంలో ప్రయాణికులకు అనౌన్స్ చేశాడు. ఈ సందర్భంలో ప్రదీప్ కుటుంబసభ్యులు భావోద్వేగానికి గురయ్యారు. వారి కళ్లు ఆనందభాష్పాలతో నిండిపోయాయి. ప్రయాణికులు కూడా వారికి చప్పట్లతో అభినందించారు.
చెన్నై నుంచి కోయంబత్తూర్ వెళ్తున్న విమానంలో…. ‘ఈరోజు మొదటిసారి నాతో అమ్మ, తాత, బామ్మ విమానంలో ప్రయాణిస్తున్నారు. ఇది నేనెంతో గర్వించే విషయం. నా తల్లిదండ్రులు నా కోసం ఎంతో కష్టపడ్డారు. నా చిన్నప్పుడు మా తాత ఆయన స్కూటర్ పై తిప్పారు. ఇప్పుడు నేను ఆయన్ను విమానంలో తీసుకెళ్తున్నా’నని అన్నారు.
ఈ వీడియోను ప్రదీప్ తన ఇన్ స్టాలో పోస్ట్ చేశాడు. ‘పైలట్ తన కుటుంబం, స్నేహితులతో కలిసి ప్రయాణించాలనుకోవడం ఓ కల’ అని రాసుకొచ్చాడు. ప్రస్తుతం ఈ వీడియో నెట్టింట వైరల్ అవుతోంది. ‘ఈరోజు మీ ఫ్యామిలీ గర్విస్తోం’దంటూ నెటిజన్స్ కామెంట్స్ చేస్తున్నారు.
View this post on Instagram