Hanu-man: సంక్రాంతికి విడుదలై ఘన విజయం సాధించిన హను-మాన్ (Hanu-man) బాక్సాఫీస్ దగ్గర ఇంకా సందడి చేస్తోంది. ప్రశాంత్ వర్మ దర్శకత్వంలో తేజ సజ్జా హీరోగా తెరకెక్కిన ఈ సోషియో ఫాంటసీ ప్రేక్షకుల్ని విపరీతంగా ఆకట్టుకుంది. హిందీలో మంచి ఆదరణ దక్కింది. ఓవర్సీస్ లో కూడా అద్భుతమైన వసూళ్లు రాబట్టింది. ఇప్పటివరకూ ప్రపంచవ్యాప్తంగా దాదాపు రూ.278కోట్లు వసూలు చేసినట్టు తెలుస్తోంది. ఇప్పుడీ సినిమా 92ఏళ్ల తెలుగు చిత్ర పరిశ్రమ చరిత్రలో సరికొత్త రికార్డు సృష్టించింది.
ఇన్నేళ్ల చరిత్రలో సంక్రాంతికి విడుదలైన తెలుగు సినిమాల్లో మరే సినిమా కూడా సాధించని కలెక్షన్లు హను-మాన్ సాధించింది. ఈమేరకు సరికొత్త రికార్డును సెట్ చేసింది. ఈ విషయాన్ని చిత్ర బృందం అధికారికంగా వెల్లడించింది. ‘ప్రపంచవ్యాప్తంగా ఉన్న ప్రేక్షకుల ఆదరణతో హను-మాన్ సరికొత్త రికార్డులు క్రియేట్ చేసింది. సంక్రాంతికి వచ్చిన తెలుగు సినిమాల్లో ఆల్ టైమ్ రికార్డ్ క్రియేట్ చేసింద’ని పేర్కొంది. ప్రస్తుతం ఈ సినిమా సీక్వెల్ జై హనుమాన్ తెరకెక్కించేందుకు ప్రశాంత్ వర్మ ప్రయత్నాలు ప్రారంభించారు.