చైల్డ్ ఆర్టిస్ట్ గా పలు సినిమాల్లో కనిపించి మెప్పించాడు, రీసెంట్ గా సమంత ‘ఓ బేబీ’ సినిమాలో యంగ్ హీరోగా కనిపించి మెప్పించాడు తేజ సజ్జ. ప్రస్తుతం తను హీరోగా పరిచయం అవుతూ ఓ సినిమా చేస్తున్నాడని ఇదివరకే మేము తెలియజేసాం. ఈ సినిమాలో తేజ సజ్జ సరసన రాజశేఖర్ కుమార్తె శివాని రాజశేఖర్ హీరోయిన్ గా కనిపించనుంది.
మల్లిక్ రామ్ దర్శకుడిగా పరిచయం అవుతున్న ఈ సినిమా షూటింగ్ దాదాపుగా లాక్ డౌన్ ముందే పూర్తయ్యింది. తాజాగా ఈ చిత్ర టీం జూలై 1న ఉదయం 9 గంటలకు ఫస్ట్ టీజర్ అండ్ టైటిల్ ని రివీల్ చేయనున్నామని అనౌన్స్ చేశారు. మేము ఎక్స్ క్లూజివ్ గా తెలుసుకున్న సమాచారం ప్రకారం.. తేజ సజ్జ – శివాని రాజశేఖర్ లు పరిచయం అవుతున్న ఈ సినిమాకి ‘అద్భుతం’ అనే టైటిల్ ని ఖరారు చేశారు. ఇదొక సైన్స్ ఫిక్షన్ జానర్లో తెరకెక్కిన ప్రేమకథని సమాచారం. రేపు ఈ టైటిల్ తో పాటు బ్యూటిఫుల్ టీజర్ కూడా రిలీజ్ చేయనున్నారు.
తెలుగు సినిమా స్క్రీన్ మీద సైన్ ఫిక్షన్ సినిమాలు చాలా అంటే చాలా అరుదు. మరి ఈ యంగ్ టీం అంతా కలిసి ఈ సరికొత్త జానర్లో తెలుగు ప్రేక్షకులను మెప్పించాలని ఆశిద్దాం.
We welcome you into the world of magic and beyond 😊
Want to see and hear more of it?
Stay tuned to this space!#ProductionNo.1@MahatejaC @SOriginals2 @LahariMusic @tejasajja123 @rshivani_1 #MallikRam @ursvamsishekar @Ticket_Factory pic.twitter.com/h1BkapVDh0— Teja Sajja (@tejasajja123) June 30, 2020