ప్రశాంత్ కిషోర్ అలియాస్ పీకే.. ఎన్నికల వ్యూహకర్త.. దేశవ్యాప్తంగా పీకే గురించి తెలియనివారుండరు. గతంలో నరేంద్ర మోడీని గెలిపించింది ఈయనే. ఢిల్లీలో అరవింద్ కేజ్రీవాల్ గెలుపుకీ ఈయనే కారణం. పశ్చిమబెంగాల్ – మమతా బెనర్జీ, తమిళనాడు – స్టాలిన్.. ఈ విజయాలన్నీ కూడా ప్రశాంత్ కిషోర్ ఖాతాల్లోనివే. దాదాపుగా అన్ని చోట్లా ప్రశాంత్ కిషోర్ రాజకీయాలు ఒకేలా వుంటాయి. ఆయా రాష్ట్రాల్లో సెంటిమెంటుని రెచ్చగొట్టడమే ప్రశాంత్ కిషోర్ వ్యూహం.
ఆంధ్రపదేశ్ రాష్ట్రంలో వైఎస్ జగన్ మోహన్ రెడ్డి మీద కోడి కత్తి దాడి కూడా ప్రశాంత్ కిషోర్ రాజకీయ వ్యూహాల్లో భాగమేనని అప్పట్లో చర్చ జరిగింది. జగన్ కూడా, ప్రశాంత్ కిషోర్ ద్వారానే 2019 ఎన్నికల్లో గెలిచారు మరి. ఓ వ్యక్తి.. రాజకీయాల్ని ఇంతలా శాసించగలడా.? అంటే, తాసులో మొగ్గు అటూ ఇటూగా వున్నప్పుడు, తనవంతు సాయం తనను వ్యూహకర్తగా నియమించుకున్న వైపుకు చేయడం ప్రశాంత్ కిషోర్ గొప్పతనం.
ఎక్కడ ఎవరు గెలుస్తారో ప్రశాంత్ కిషోర్ అంచనా వేయగలడు. గెలుపు వైపే ప్రశాంత్ కిషోర్ నిలబడతాడు. అదీ అతని వ్యూహం. తమిళనాడులో అన్నాడీఎంకే పార్టీ భ్రష్టుపట్టిపోవడంతో స్టాలిన్ (డీఎంకే) అవకాశం దక్కించుకోగలిగారు. ఆంధ్రపదేశ్ రాష్ట్రంలో చంద్రబాబు పట్ల వ్యతిరేకత, వైఎస్ జగన్ మోహన్ రెడ్డికి కలిసొచ్చింది. పశ్చిమబెంగాల్ రాష్ట్రం తీసుకుంటే.. అక్కడ బీజేపీ ఎంత గింజుకున్నా అధికారంలోకి రాదని అందరికీ తెలుసు. ఎక్కడా అద్భుతాలేం జరిగిపోలేదు. కానీ, ప్రశాంత్ కిషోర్ గెలుపు వైపు నిలబడతాడు గనుక, సక్సెస్ రేట్ కూడా ఎక్కువగానే వుంటోంది. దాంతో, ఆయనకు పెద్దమొత్తంలో ఫీజులు చెల్లించడానికి రాజకీయ పార్టీలు ముందుంటున్నాయి.
2014 ఎన్నికల తర్వాత చంద్రబాబు కూడా ప్రశాంత్ కిషోర్ కోసం ప్రయత్నిస్తే, 350 కోట్లు ఖర్చవుతుందని ప్యాకేజీ ప్రతిపాదనలు తెచ్చారట ఎన్నికల వ్యూహకర్త. ఇది నిజమేనా.? టీడీపీ అనుకూల మీడియా చెబుతోందిది. అంటే, అంతకు మించి వైఎస్ జగన్ మోహన్ రెడ్డి, ప్రశాంత్ కిషోర్ కోసం చెల్లించుకున్నారనుకోవాలి. దానికన్నా మించి మమతా బెనర్జీ, స్టాలిన్ సమర్పించుకున్నారని అనుకోవాలా.?
762914 20163Thank you for your wonderful post! It has long been really insightful. I hope that youll continue sharing your wisdom with us. 465282
425789 901104I besides believe therefore , perfectly composed post! . 629684
246175 678251This really is a excellent common sense article. Extremely useful to 1 who is just locating the resouces about this part. It will surely help educate me. 386000