Janasena: జనసేనపై ‘పచ్చ విషం’ తారాస్థాయికి.!

Janasena: ‘జనసేన పార్టీ(Janasena) మాతో వచ్చే అవకాశం కనిపించడంలేదు..’ ఇదీ గత కొద్ది రోజులుగా తెలుగుదేశం పార్టీ వర్గాల్లో జరుగుతున్న చర్చ. టీడీపీ అనుకూల మీడియా పుణ్యమా అని, జనసేన పార్టీ.. ‘సోలో ఫైట్’ వైపే మొగ్గు చూపేలా వుంది.

తాజాగా మాజీ మంత్రి, టీడీపీ జాతీయ ప్రధాన కార్యదర్శి నారా లోకేష్ ‘యువగళం’ పాదయాత్ర సందర్భంగా పొత్తుల విషయమై కీలక వ్యాఖ్యలు చేశారు. ‘మేం ఏమైనా కలిసి పోటీ చేస్తామని మీకు చెప్పామా.? అయినా, మమ్మల్ని చూసి మీరెందుకు భయపడుతున్నారు.?’ అంటూ వైసీపిని నిలదీశారాయన.

నారా లోకేష్ మాటల్లో కూడా, జనసేనతో పొత్తు వుండదనే అభిప్రాయం బయటకు వచ్చేసింది.

నిజానికి, టీడీపీని ప్రజా సమస్యలపై పోరాటం కోసం కలుపుకుపోవాలని జనసేన అధినేత భావించారు. చంద్రబాబు రాజకీయాలు ఎలా వుంటాయో పవన్ కళ్యాణ్ తెలుసుకోలేరని ఎలా అనుకోగలం.?

పవన్ కళ్యాణ్ అనుమానించిందే నిజమైంది. టీడీపీ తన బుద్ధిని బయటపెట్టడం షురూ చేసింది. ఈ పరిణామాల పట్ల జనసేన శ్రేణులు లోలోపల సంతోషపడుతున్నాయి.

నారా లోకేష్ పాదయాత్ర సందర్భంగా, అభ్యర్థుల్ని ప్రకటించుకుంటూ వెళుతుండడంతో, జనసేన పార్టీ శ్రేణులు ‘పొత్తులకు ఆస్కారం లేదు.. హమ్మయ్యా..’ అనుకుంటూ, ఆయా నియోజకవర్గాల మీద స్పెషల్ ఫోకస్ పెడుతోంది.

ఈ తరుణంలో పచ్చ మీడియా మరింత పచ్చిగా విషం కక్కుతోంది జనసేన పార్టీ మీద. తాజాగా ఓ ‘తిక్క’ సర్వేని వెలుగులోకి తెచ్చింది టీడీపీ అనుకూల మీడియా.

ఎవరికీ వంద సీట్లు దాటే అవకాశం లేదని ఆ సర్వే చెబుతోంది. జనసేనకు కేవలం 7 సీట్లు మాత్రమే.. అవీ ఉభయ గోదావరి జిల్లాల్లోనే వస్తాయట.

ఇక, టీడీపీ విషయానికొస్తే, 80 సీట్లు.. ఆ పైన గెలిచే అవకాశముందట. వైసీపీ 60 సీట్లకే పరిమితమయ్యే అవకాశాలున్నాయన్నది టీడీపీ సర్వే సారాంశం.

ఇది టీడీపీ సర్వే గనుక, వైసీపీనే తిరిగి అధికారంలోకి వచ్చేలా వుందని పరోక్షంగా ఆ సర్వే తేల్చి చెప్పినట్లయ్యింది. జనసేనకు 7 సీట్లు మాత్రమేనని పచ్చ సర్వే చెబుతోంటే..దానికి ఎన్నో రెట్లు పెరిగే అవకాశం వుందనేది జనసైనికుల విశ్లేషణ.

మార్చి 14న జరగబోయే మచిలీపట్నం బహిరంగ సభ వేదికగా జనసేనాని పవన్ పొత్తులపై ఎలాంటి స్పష్టతనిస్తారోగానీ.. ఈలోగా టీడీపీ అను‘కుల’ మీడియా వీలైనంత ఎక్కువ విషాన్ని చిమ్మేలా కనిపిస్తోంది.