ఎడతెగని సస్పెన్స్.. ఎన్నో ట్విస్టులు.. మరెన్నో ఊహాగానాలు.. వెరసి మహారాష్ట్రలో కొత్త ప్రభుత్వం కొలువు తీరుతోంది. అత్యంత నాటకీయ పరిణామాల మధ్య తెల్లవారుజాము సమయంలో రాష్ట్రపతి పాలన ఎత్తివేయడం.. బీజేపీ ప్రభుత్వాన్ని ఏర్పాటు చేస్తున్నట్టుగా ప్రకటించి ఫడ్నవిస్ సీఎంగా ప్రమాణ స్వీకారం చేయడం.. ఎన్సీపీ శాసనసభా పక్ష నేత అజిత్ పవార్ డిప్యూటీ సీఎంగా ప్రమాణం చేయడం.. శివసేన, కాంగ్రెస్, ఎన్సీపీ కూటమి సుప్రీంకోర్టును ఆశ్రయించడం.. బుధవారం సాయంత్రం లోగా ఫడ్నవిస్ బలనిరూపణ చేసుకోవాలని సుప్రీం కోర్టు ఆదేశించడం.. తగినంత సంఖ్యా బలం లేక ముందుగానే ఫడ్నవిస్, అజిత్ పవార్ తమ పదవులకు రాజీనామా చేయడం.. మహారాష్ట్ర సీఎంగా ఉద్ధవ్ ఠాక్రే ప్రమాణ స్వీకారానికి రంగం సిద్దం కావడం.. ఇవీ ఈ మూడు రోజుల్లో జరిగిన పరిణామాలు.
ఈ మొత్తం ఆటలో నిజమైన గెలుపు ఎవరిదంటే.. అది నిస్సందేహంగా ఎన్సీపీ అధినేత శరద్ పవార్ దే. ఆయన ప్రధాని మోదీని కలవడం దగ్గర నుంచి మహా సీఎంగా ఉద్దవ్ ప్రమాణ స్వీకారం చేయడం వరకు పవార్ రాజకీయ చాణక్యం ముందు ఎంతో ఆరితేరిన బీజేపీ జాతీయ అధ్యక్షుడు అమిత్ షా కూడా తల వంచక తప్పలేదు.
ఎన్సీపీ-శివసేన-కాంగ్రెస్ కూటమితో తాము ఆటాడుకుంటున్నట్టు బీజేపీ భ్రమపడింది. కానీ అనూహ్యంగా పవార్ తన రాజకీయ అనుభవాన్నంతా రంగరించి మరింత అదిరిపోయే ట్విస్టుతో మహా ఉత్కంఠకు ముగింపు పలికారు. ఎన్సీపీ నుంచి తిరుగుబాటు నేతగా బయటకు వెళ్లిన అజిత్ పవార్ కు తిరిగి ఘన స్వాగతం లభించింది. ఆయనకే ఉప ముఖ్యమంత్రి పదవి ఇచ్చే అవకాశం ఉందని ప్రచారం కూడా జరుగుతోంది.
రాష్ట్రపతి పాలన ఎత్తివేయించేందుకు శరద్ పవారే ఈ గేమ్ అంతా ఆడారా అనే అభిప్రాయాలు కూడా వ్యక్తమవుతున్నాయి. మొత్తానికి ఈ మొత్తం రాజకీయ క్రీడలో బీజేపీ భంగపడగా.. ఎన్సీపీ కాలర్ ఎగరేసింది. శివసేనకు సీఎం పదవి వచ్చినా.. అంతిమంగా పవార్ చెప్పిందే నడవనుంది.
మహారాష్ట్ర రాజకీయాలకు సంబంధించి సోషల్ మీడియాలో ఓ పోస్టు చక్కర్లు కొడుతోంది. ‘‘భారత్ లో గతంలో ఎన్నడూ జరగని అతి గొప్ప ఎన్నికల ఫలితాలివి. ఫడ్నవిస్ మూడు రోజులే అయినా.. రెండో సారి సీఎంగా ప్రమాణ స్వీకారం చేశారు. అందువల్ల ఆయన హ్యాపీ. అజిత్ పవార్ బీజేపీకి మద్దతిచ్చి, తనపై ఉన్న కేసులు తొలగిపోయేలా చూసుకున్నారు. అందువల్ల ఆయన హ్యాపీ. శివసేనకు సీఎం పీఠం దక్కింది. వారు కూడా హ్యపీ. కాంగ్రెస్ చేసిందేమీ లేదు.. కానీ ప్రభుత్వంలో ఉండే ఛాన్స్ కొట్టేసింది. కాబట్టి వారూ హ్యాపీనే.
నిజమైన కింగ్ మేకర్ పాత్ర పోషించి, ప్రభుత్వంలో పైచేయి సాధించి ఎన్సీపీ కూడా హ్యాపీనే. గవర్నర్ బీజేపీకే తొలి అవకాశం ఇచ్చి మోదీ, షా దృష్టిలో మంచి మార్కులు కొట్టేశారు. ఆయన కూడా హ్యాపీనే. ఉత్కంఠ గొలిపే పరిణామాలతో క్షణక్షణం బిజీగా గడిపిన మీడియా కూడా ఫుల్ హ్యాపీ. చివరకు బాలీవుడ్ సినిమాలో కూడా లేని ట్విస్టులతో మహారాష్ట్ర రాజకీయాలను ఆస్వాదించిన ఓటర్లు కూడా హ్యాపీనే’’ అంటూ ఉన్న ఈ పోస్టు వైరల్ గా మారింది.
639547 935990Hey man, .This was an superb page for such a hard topic to talk about. I appear forward to reading several far more excellent posts like these. Thanks 435825
296797 923630Hi, Neat post. Theres a dilemma along with your site in web explorer, could test this IE nonetheless may be the marketplace leader and a great portion of people will omit your exceptional writing because of this issue. 511100