Shaakuntalam Review: సమంత లీడ్ రోల్ లో గుణశేఖర్ దర్శకత్వంలో తెరకెక్కిన భారీ గ్రాఫిక్స్ చిత్రం శాకుంతలం. కాళిదాసు రచించిన అభిజ్ఞాన శాకుంతలం నుండి స్ఫూర్తి పొంది ఈ కథను రాసారు గుణశేఖర్. మరి ఈరోజే విడుదలైన ఈ చిత్రం ఎలా ఉందో చూద్దామా?
కథ:
శాకుంతలం టైటిల్ కు తగ్గట్లే శకుంతల యొక్క కథ. విశ్వామిత్రుడు, మేనకలకు జన్మించిన శకుంతల విధి కారణంగా కణ్వ మహర్షి ఆశ్రమంలో పెరుగుతుంది. అయితే అక్కడికి వచ్చిన దుశ్యంత మహారాజు శకుంతలను చూసి మోహిస్తాడు. ఇద్దరి మధ్యా ప్రేమ చిగురిస్తుంది. అంతా బానే ఉంది అనుకున్న సమయంలో దుశ్యంత మహారాజు శకుంతలను పూర్తిగా మర్చిపోతాడు.
అలా ఎందుకు జరుగుతుంది? శకుంతల మళ్ళీ గుర్తుతేవడానికి ఎలాంటి ప్రయత్నాలు చేసింది? చివరికి ఏమైంది? అన్నది చిత్ర కథ.
నటీనటులు:
సమంత ఎంత మంచి నటి అన్నది మనం ఇదివరకు చాలా సార్లే చూసాం. ఇక శాకుంతలం వంటి పౌరాణిక పాత్రలకు కూడా తాను సరిగ్గా సరిపోతానని ఈ చిత్రంతో నిరూపించింది సమంత. సెకండ్ హాఫ్ లో దుశ్యంత మహారాజుని ఎదుర్కొనే సందర్భంలో సమంత నటన అద్భుతం. ఆమె నిజంగా ఒక మహిళ ఆత్మగౌరవంతో ఎలా ఉండాలో అన్నది చక్కగా చూపించింది. అయితే అదే సమయంలో ఫస్ట్ హాఫ్ లో దుశ్యంత మహారాజుతో ప్రేమలో పడే సందర్భంలో ఆమెలో ఉన్న ఫెమినిన్ సైడ్ ను సరిగ్గా చూపించలేదు అనిపిస్తుంది.
ఇక దుశ్యంతుడిగా నటించిన దేవ్ మోహన్ బాగా చేసాడు. మహారాజుగా సరిగ్గా సరిపోయాడు. అయితే తనకు అనుకున్న రేంజ్ లో స్క్రీన్ ప్రెజన్స్ దక్కలేదు.
అల్లు అర్హ క్యామియో గురించి కచ్చితంగా ప్రస్తావించాలి. ఆమె భరతుడి పాత్రలో చార్మింగ్ ఇంకా క్యూట్ గా ఉంది. మోహన్ బాబు కబీర్ సింగ్, ఇంకా మిగిలిన వాళ్ళు సినిమాకు తగ్గట్లుగా కనిపించారు.
సాంకేతిక నిపుణులు:
శాకుంతలంకు మోడరన్ టచ్ ఇచ్చే ప్రయత్నం చేసాడు దర్శకుడు గుణశేఖర్. ఇప్పటికే స్క్రీన్ పై ఈ కథను చాలా సార్లు మనం చూసాం. ఇంకా కొత్తగా చూపించడం దాదాపు అసాధ్యం. అయితే అందులో కూడా ఫైట్ సెక్యూన్సెస్ ను పెట్టి గుణశేఖర్ తనదైన టచ్ ఇచ్చే ప్రయత్నం చేసాడు. ఈ చిత్రంలో మెలోడ్రామాను తగ్గించే ప్రయత్నం చేసాడు. అయితే దానివల్ల ఎమోషనల్ కనెక్ట్ మిస్ అయిందని చెప్పవచ్చు. ముఖ్యంగా లీడ్ పెయిర్ మధ్య అత్యంత ముఖ్యమైన కెమిస్ట్రీ అనేది పూర్తిగా మిస్ అయింది.
మణిశర్మ బ్యాక్ గ్రౌండ్ స్కోర్ కూడా అనుకున్నంత ప్రభావంగా లేదు. సందర్భానికి తగినట్లుగా పాటలు వచ్చాయి కానీ అవి కూడా ఇంపాక్ట్ చూపించింది లేదు. సినిమాటోగ్రఫీ బాగుంది. ఎడిటింగ్ ఇంకా బెటర్ గా ఉండాల్సింది. శాకుంతలంకి ఉన్న మరో ప్రధాన సమస్య విఎఫ్ఎక్స్. అది ఒక్కటి సరిగ్గా ఉండి ఉంటే పైన చెప్పుకున్న చాలా సమస్యలు కవర్ అయిపోయేవి.
ప్లస్ పాయింట్స్:
- సమంత
- అల్లు అర్హ
మైనస్ పాయింట్స్:
- ఎమోషనల్ కనెక్ట్ లేకపోవడం
- క్లైమాక్స్
- విఎఫ్ఎక్స్
విశ్లేషణ:
శాకుంతలం అనేది పౌరాణిక బ్యాక్ డ్రాప్ లో తెరకెక్కిన ఒక లవ్ డ్రామా. కొన్ని మంచి పెర్ఫార్మన్స్ లు ప్లస్ కాగా ఎమోషనల్ కనెక్ట్ లేకపోవడం, విఎఫ్ఎక్స్ కచ్చితంగా మైనస్ అనే చెప్పాలి.
తెలుగు బులెటిన్ రేటింగ్: 2.25/5
225117 79459Superb weblog here! Additionally your internet site rather a lot up fast! What host are you making use of? Can I get your affiliate hyperlink for your host? I wish my website loaded up as quickly as yours lol. 755281
147642 21833As I website possessor I believe the content matter here is rattling fantastic , appreciate it for your efforts. You should keep it up forever! Good Luck. 915466
873780 525293extremely good put up, i actually really like this internet site, maintain on it 624760