ఎక్స్ క్లూజివ్: వీసా ప్రాబ్లెమ్స్ తో సతమతమవుతున్న మహేష్ బాబు ‘సర్కారు వారి పాట’

కరోనా వలన షూటింగ్స్ ఆగిపోయి 7 నెలలు దాటింది, అలాగే సూపర్ స్టార్ మహేష్ బాబు సినిమా కోసం కెమెరా ముందుకు వచ్చి 9 నెలలు దాటింది. ఇటీవలే మొదటి సారి ఒక యాడ్ షూట్ లో పాల్గొన్నారు. కాసేపు ఇది పక్కన పెడితే.. మహేష్ బాబు 27వ సినిమాగా పరశురామ్ డైరెక్షన్ లో ‘సర్కారు వారి పాట’ అనౌన్స్ చేశారు. ఈ సినిమా షూటింగ్ ని అబ్రాడ్ లో మొదలు పెట్టేలా నవంబర్ 2ను వీక్ నుంచి షెడ్యూల్ ని ప్లాన్ చేశారు.

కానీ ఇప్పుడు సర్కారు వారి పాట టీంకి వీసా రూపంలో సరికొత్త ప్రాబ్లెమ్ వచ్చింది. అసలు విషయంలోకి వెళితే, సర్కారు వారి పాట టీం యుఎస్ వెళ్లడం కోసం టీం అందరికి కలిపి వీసా ప్రాసెస్ స్టార్ట్ చేశారు. కానీ అనుకున్న దానికన్నా ఎక్కువ సమయమే పడుతోంది వీసా కోసం.. దాంతో ఈ చిత్ర టీం అనుకున్న షెడ్యూల్ ని స్టార్ట్ చేయగలమా లేదా అనే టెన్షన్ లో ఉన్నారు. ప్రస్తుతం యూఎస్లో కోవిడ్ కేసులు మళ్ళీ భారీగా పెరుగుతుండడం, ఓ వైపు ప్రెసిడెంట్ ఎలక్షన్స్ హడావిడి కూడా వీసా డిలే కి కారణాలు కావచ్చని సమాచారం.

ఈ సినిమాలో విలన్ పాత్ర కోసం ఇప్పటికే పలువురిని అనుకున్నా ఇంకా ఎవరు ఫైనల్ కాలేదు. తాజాగా బాలీవుడ్ సీనియర్ యాక్టర్ అనిల్ కపూర్ తో సంప్రదింపులు జరిపారు. అలాగే సర్కారు వారి పాటలో మహేష్ బాబు అక్క పాత్రకి చాలా ప్రాధాన్యత ఉంటుంది. ఆ పాత్ర కోసం విద్య బాలన్ ని సంప్రదించారు. ఈ విషయాలపై అధికారిక ప్రకటన రావాల్సి ఉంది.

ఈ కథాంశం మొత్తం ప్రభుత్వంలో జరిగే కొన్ని లూప్ హొల్స్ గురించి, మనీ లాండరింగ్ లాంటి విషయాలను గట్టిగానే ప్రస్తావించనున్నారని సమాచారం. అలాగే ఓ స్ట్రాంగ్ మెసేజ్ తో పాటు పరశురామ్ మార్క్ ఫామిలీ కథాంశం, లవ్ స్టోరీ కూడా ఉంటుందని ఈ చిత్ర టీం చెబుతోంది. మహేష్ బాబు సరసన కీర్తి సురేష్ ఈ మూవీ లో జోడీ కట్టనుంది.