సంక్రాంతి పండగ అంటే.. కోడి పందాలు, సంబరాలు.. ఇంతే కాదు, రాజకీయాల గురించిన ఆసక్తికరమైన చర్చలు జరిగేందుకు వేదిక కూడా. ప్రధానంగా ఉభయ గోదావరి జిల్లాల్లో సంక్రాంతి పండక్కి రాజకీయాల గురించిన చర్చలు జోరుగా సాగడం కూడా ఆనవాయితీ. కోడి పందాల బరుల దగ్గర కావొచ్చు, రచ్చబండ దగ్గర కావొచ్చు.. రాష్ట్ర రాజకీయాల గురించి లోతైన చర్చ జరుగుతుంటుంది.
ఇంతకీ, ఈ సంక్రాంతికి జరిగిన రాజకీయ చర్చల్లో తేలిందేమిటి.? తెలుగుదేశం పార్టీ అడ్రస్ మరింత గల్లంతు కానుందన్నది ఉభయ గోదావరి జిల్లాల్లో అన్ని చోట్లా ‘కామన్’గా వినిపించిన మాట. మరి, అధికార వైసీపీ సంగతేంటి.? ‘నమ్మి, నట్టేట్లో మునిగిపోయాం..’ అన్న భావన చాలామందిలో వ్యక్తమైంది.
రోడ్ల తీరు, కోవిడ్ ప్రభావం, సంక్షేమ పథకాల్లో డొల్లతనం.. ఇలా చాలా అంశాల గురించి చర్చోపచర్చలు జరుగుతున్నాయి. సార్వత్రిక ఎన్నికలకు ఇంకో రెండేళ్ళ సమయం వుంది. ఈ నేపథ్యంలోనే, భవిష్యత్ రాజకీయం ఎలా వుండబోతోందన్నదానిపై మిత్రులు, శ్రేయోభిలాషులతో తమ అభిప్రాయాల్ని చాలామంది పంచుకున్నారు.
ఆంధ్రప్రదేశ్ రాజకీయాలే కాదు, తెలంగాణ రాజకీయాలూ, దేశ రాజకీయాలూ సంక్రాంతి పండగ వేళ చర్చకు వచ్చాయి. అయితే, ప్రధానంగా తెలుగు రాష్ట్రాల రాజకీయాల గురించే ఎక్కువ చర్చ జరిగింది. తెలంగాణ ప్రభుత్వంపైనా వ్యతిరేకత పెరుగుతోందంటూ కోడి పందాల కోసం ఉభయ గోదావరి జిల్లాలకు తెలంగాణ నుంచి వచ్చిన చాలామంది తెలంగాణ పౌరులు చెప్పడం గమనార్హం.
కాగా, ఉభయ గోదావరి జిల్లాలో స్థానిక ఎన్నికల నేపథ్యంలో తన ఉనికిని బాగానే చాటుకున్న జనసేనకు, సార్వత్రిక ఎన్నికల్లో అడ్వాంటేజ్ వుండొచ్చన్న అభిప్రాయం ఉఢయ గోదావరి జిల్లాలో బలంగా వినిపించింది. కోడి పందాల దగ్గరా, ప్రభల తీర్థాలు (కోనసీమ ప్రత్యేకం) జరిగిన చోటా జనసేన శ్రేణుల సందడి కనీ వినీ ఎరుగని స్థాయిలో కనిపించింది.
సో, గోదారి రాజకీయం ఈసారి అనూహ్యంగానే మారబోతోందని భావించొచ్చు. ఉభయ గోదావరి జిల్లాల్లో లభించే సీట్లు, రాష్ట్రంలో అధికారం ఎవరిదన్నదానిపై ఖచ్చితమైన ప్రభావం చూపుతాయని రాజకీయ విశ్లేషకులు అభిప్రాయపడుతుంటారు. ఆ లెక్కన, రాష్ట్రంలో రాజకీయం మారబోతోందన్నమాటే కదా.!
920771 60407For anybody who is considering about external complications, sometimes be tough amaze those to realize to produce just a single weed in this quite flowing generally requires eleven liters concerning gasoline to. dc no cost mommy weblog giveaways family trip home gardening house power wash baby laundry detergent 28774
730532 817196you got a very exceptional web site, Sword lily I found it through yahoo. 373324