మాస్ మహరాజ్ రవితేజతో ఆర్ఎక్స్100 డైరెక్టర్ అజయ్ భూపతి ఓ సినిమా తెరకెక్కించేందుకు సన్నాహాలు చేస్తోన్న విషయం విదితమే. ‘మహాసముద్రం’ అనే వర్కింగ్ టైటిల్తో సినిమా పనులు ప్రారంభమయ్యాయట ఇప్పటికే. అయితే, ఇటీవల తన కొత్త సినిమా గురించి వస్తున్న గాసిప్స్పై అజయ్ భూపతి సోషల్ మీడియా వేదికగా మండిపడుతూ, ‘నా రెండో సినిమా ఎవరితో చేయాలో నాకు తెలుసు..’ అంటూ ఒకింత అగ్రెసివ్గా వ్యవహరించిన తీరు వివాదాస్పదమయ్యింది. ఇక, రవితేజ – ఆర్ఎక్స్ 100 డైరెక్టర్ కాంబినేషన్ సినిమా విషయానికొస్తే, మ్యూజిక్ సిట్టింగ్స్ ఇప్పటికే ప్రారంభమయ్యాయట. హీరోయిన్ ఎంపిక విషయమై చర్చలు జరుగుతున్నాయి.
ఈ సినిమాలో ఇద్దరు హీరోయిన్లు వుంటారనీ, ఆర్ఎక్స్ 100 సినిమా తరహాలో ఇది కూడా ఓ ‘కల్ట్ అండ్ రగ్డ్ మూవీ’ కాబోతోందని ప్రాథమికంగా అందుతున్న సమాచారాన్ని బట్టి తెలుస్తోంది. ప్రస్తుతం రవితేజ హీరోగా ‘డిస్కో రాజా’ సినిమా రూపొందుతోంది. ఈ సినిమాలో పాయల్ రాజ్పుత్, నభా నటేష్ హీరోయిన్లుగా నటిస్తున్నారు. రవితేజ తన సినిమాలో హీరోయిన్ల విషయమై చాలా డిఫరెంట్గా ఆలోచిస్తుంటాడు. అజయ్ భూపతి, ఆర్ఎక్స్ 100తో పరిచయం చేసిన పాయల్ రాజ్పుత్ ఇప్పుడు టాలీవుడ్లో బిజీయెస్ట్ హీరోయిన్గా మారిపోయింది.
సో, రవితేజ – అజయ్ భూపతి కలిసి చేస్తోన్న సినిమా అంటే, ఖచ్చితంగా ఆ సినిమాలో హీరోయిన్ ఇంకా స్పెషల్గానే వుంటుందని ఆశించొచ్చు. ‘భరత్ అనే నేను’, ‘వినయ విధేయ రామ’ చిత్రాల ఫేమ్ కైరా అద్వానీ పేరు ఈ సినిమా కోసం ప్రముఖంగా విన్పిస్తోందట. అదే సమయంలో, మరో హీరోయిన్ని సౌత్ నుంచే ఎంపిక చేయాలన్నది రవితేజ, అజయ్ భూపతి ఆలోచన అట. ప్రస్తుతం చేస్తోన్న ‘డిస్కోరాజా’ షూటింగ్ పనులు ఓ కొలిక్కి వచ్చిన వెంటనే రవితేజ – అజయ్ భూపతి కాంబో సినిమా పట్టాలెక్కే అవకాశం వున్నట్లు సమాచారం.
Related Posts
లిప్ లాక్ సీన్స్ చేస్తానన్నా ఛాన్స్ ఇవ్వట్లేదు..!
757543 469616I want going to comment as this posts a bit old now, but just wanted to say thanks. 351132