యువజన శ్రామిక రైతు కాంగ్రెస్ పార్టీ రెబల్ ఎంపీ రఘురామకృష్ణరాజు, సొంత పార్టీకి కంటి మీద కునుకు లేకుండా చేస్తున్నారు. ఆయా అంశాలపై ప్రభుత్వానికి లేఖాస్త్రాలు సంధిస్తూ వస్తోన్న ఈ నర్సాపురం ఎంపీ, అట్నుంచి మాత్రం ‘సానుకూల స్పందన’ పొందలేకపోతున్నారు. అయితే, అధికార పార్టీలో రఘురామ లేఖాస్త్రాలు మాత్రం ‘ప్రకంపనలు’ సృష్టిస్తూనే వున్నాయి. ఇసుక విషయంలోనూ, ఇతరత్రా కొన్ని విషయాల్లో రఘురామ లేఖాస్త్రాలు సరిగ్గానే పనిచేశాయా.? అంటే, ఆయన ‘అవును’ అనే భావిస్తున్నారనుకోండి.. అది వేరే విషయం.
ఇక, తాజాగా రఘురామ సంధించిన లేఖాస్త్రానికి ‘పీవీ’ అనే పూత పూశారు. దివంగత మాజీ ప్రధాని పీవీ నరసింహారావు శత జయంతి ఉత్సవాల్ని అంగరంగ వైభవంగా నిర్వహిస్తోంది తెలంగాణ ప్రభుత్వం. పీవీ నరసింహారావు అంటే.. తెలుగు జాతి ఆరాధ్య దైవం అనే భావన చాలామందిలో వుంది. మన తెలుగు నేల నుంచి జాతీయ స్థాయికి ఎదిగి, దేశ ప్రధానిగా సేవలందించిన మహనీయుడు.. అంటూ వీపీ గురించి గొప్పగా మాట్లాడుకుంటున్నామిప్పుడు. ఉమ్మడి ఆంధ్రప్రదేశ్ ముఖ్యమంత్రిగా కూడా పనిచేశారు పీవీ నరసింహరావు. ‘పీవీ అంటేనే తెలుగు ఠీవి..’ అన్నట్లుగా ఇప్పుడు పీవీ గురించిన చర్చ తెలుగు నాట చాలా చాలా గట్టిగా జరుగుతోంది. అందుక్కారణం, తెలంగాణ ప్రభుత్వమే.
పీవీ, ఆంధ్రప్రదేశ్లోని నంద్యాల నుంచి లోక్సభకు ఎన్నికైన విషయాన్ని ఎలా మర్చిపోగలం.? తెలంగాణకు చెందిన వ్యక్తి అయినా.. ఉమ్మడి రాష్ట్రం నుంచి రాజకీయంగా ఎదిగిన ఆయన, రెండు తెలుగు రాష్ట్రాలకూ గర్వకారణమే. ఈ విషయాల్ని ప్రస్తావిస్తూ, క్యాబినెట్ భేటీలో పీవీ శత జయంతి ఉత్సవాలపై సముచిత నిర్ణయం తీసుకోవాలని కోరారు రఘురామకృష్ణరాజు. దివంగత వైఎస్ రాజశేఖర్రెడ్డికి పీవీ అంటే ఎంతో గౌరవం వుండేదనీ, హైద్రాబాద్లో పీవీ గౌరవార్ధం ఘాట్ నిర్మించింది వైఎస్సార్ హయాంలోనేనని రఘురామకృష్ణరాజు, వైఎస్ జగన్కి రాసిన లేఖాస్త్రంలో ప్రస్తావించారు.
ఇది నిజంగానే పెద్ద సంకటం వైఎస్ జగన్కి. రఘురామ లేఖ రాసిన దరిమిలా, ఆ దిశగా ప్రభుత్వం సానుకూల నిర్ణయం తీసుకుంటుందా.? అసలు పీవీని ఆంధ్రప్రదేశ్ ప్రభుత్వం పట్టించుకుంటుందా.? లేదా.? వేచి చూడాల్సిందే. పట్టించుకుంటే మాత్రం.. రఘురామకృష్ణరాజు సూపర్ విక్టరీ కొట్టినట్లే.
531055 370087Fantastic post man, maintain the good function, just shared this with my friendz 423797
298704 96228 Spot on with this write-up, I truly feel this site needs considerably a lot more consideration. Ill probably be again to read a lot much more, thanks for that info. 862713