విభజన దెబ్బకి నిండా మునిగిపోయిన సీమాంధ్ర ప్రాంతం, అంతకన్నా పెద్దదైన మరో ఉపద్రవాన్ని ఎదుర్కోబోతోందా.? 13 జిల్లాల ఆంధ్రప్రదేశ్ రానున్న రోజుల్లో విభజనకు గురవుతుందా.? విభజన జరిగితే ఎన్ని ముక్కలవుతుంది.? విభజన విష బీజాలు ఇప్పుడిప్పుడే రాష్ట్రంలో నాటుకుంటున్న దరిమిలా, అవి మొలకెత్తే అవకాశమెంత.? ఈ వ్యవహారం మొత్తానికి తెరవెనుక ‘స్కెచ్’ వేస్తున్నదెవరు.? ఇలా సవాలక్ష ప్రశ్నలు తెరపైకొస్తున్నాయి.
‘మా రాజధాని మాకు ఇచ్చెయ్యండి.. లేకపోతే, మా దారిన మేం పోతాం..’ అంటూ గ్రేటర్ రాయలసీమ పేరుతో రాయలసీమ ప్రాంతానికి చెందిన నేతలు నినదిస్తున్నారు. ఓ ప్రముఖ న్యాయవాది అయితే, ఓ ఛానల్ చర్చా కార్యక్రమంలో ఆవేశంతో ఊగిపోయారు ఈ విషయమై. పైగా ఆమె ఓ మహిళా న్యాయవాది కావడం గమనార్హం.
పలువురు సీమ నేతలు, మిగతా జిల్లాల ప్రజల్ని ‘గ్రేటర్ రాయలసీమ’ పేరుతో బ్లాక్మెయిల్ చేస్తున్నారు. ప్రకాశం, నెల్లూరు జిల్లాల్ని సీమ నేతలు తమతో కలిపేసుకుని గ్రేటర్ రాయలసీమ.. అంటున్నా, ఆ రెండు జిల్లాల ప్రజలు మాత్రం సీమ నేతలతో ఏకీభవించడంలేదు.
ఇదిలా వుంటే, తాజాగా అమరావతిలో హైకోర్టు యెదుట ఆందోళనలు చేస్తున్న న్యాయవాదులు, అమరావతి నుంచి హైకోర్టుని తరలించడానికి వీల్లేదని అంటున్నారు. ‘రాజధాని ఇక్కడే వుండాలి.. హైకోర్టు కూడా ఇక్కడే వుండాలి.. ఇక్కడి నుంచి తరలించాలని సీమ నేతలు చూస్తే, మరో విభజన ఉద్యమం తప్పదు..’ అని హెచ్చరిస్తున్నారు. శ్రీ
కాకుళం జిల్లా నుంచి నెల్లూరు జిల్లా వరకూ వున్న న్యాయవాదుల డిమాండ్ ఇది. ఉమ్మడి ఆంధ్రప్రదేశ్ రెండుగా విడిపోయి ఆరేళ్ళు కూడా కాకుండానే మళ్ళీ రాష్ట్రంపై ‘విభజన విషపు నీడలు’ కమ్ముకుంటుండడం అత్యంత దారుణమైన విషయం. వైఎస్ జగన్ సర్కార్ తెరపైకి తెచ్చిన ‘మూడు రాజధానుల’ ప్రతిపాదన ఏమవుతుందోగానీ, ఈ విభజన విషానికి విరుగుడు అంత సులువు కాదు.
465983 477317The Twitter application page will open. This really is great if youve got a couple of thousand followers, but as you get much more and a lot more the usefulness of this tool is downgraded. 757521
814666 344110I enjoy what you guys are generally up too. This kind of clever work and reporting! Maintain up the really excellent works guys Ive added you guys to blogroll. 476507
52749 814493Thanks so considerably for another post. I be able to get that kind of information data. friend, and exactly. 860767