రాహుల్ జీ మనకెందుకీ గొడవ… అదేదో చెప్పేస్తే పోలా?

ఒక్కోసారి అద్భుతంగా మాట్లాడతాడు… ఒక్కోసారి ఒక సాధారణ వ్యక్తికంటే కూడా దారుణంగా మాట్లాడతాడు..మాటల్ని హద్దులు లేని తూటాల్లా వదిలేసి… ఆ తరువాత అయ్యయ్యో అలా ఎందుకు అన్నానా అని బాధపడుతుంటాడు. అందరు ముద్దుగా ఆయన్ను పప్పు అని అనిపిస్తుంటారు. ఇప్పటికే అర్ధం అయ్యి ఉందనుకుంటా ఎవరో. దేశంలో కాంగ్రెస్ పార్టీ అసలే కూనరిపోయే దశలో ఉన్నది.

పార్టీని బలోపేతం చేసే దిశగా అడుగులు వేయాల్సిన పార్టీ అధిష్టానం లేనిపోని గొడవల్లో తలదూర్చి తలెత్తుకొవడానికి వీలు లేకుండా చేసుకుంటోంది. గతంలో రాహుల్ గాంధీ రఫెల్ పై మాట్లాడి నాలుక్కరుచుకున్నాడు. తరువాత క్షమాపణలు చెప్పాల్సి వచ్చింది. రఫెల్ డీల్ అంతా బాగున్నా, వక్రీకరించి వక్రభాష్యాలు చూపించి అభాసుపాలయ్యారు. చివరకు సుప్రీం కోర్టు మొట్టికాయలు వేయడంతో రాహుల్ సైలెంట్ అయ్యారు.

ఇప్పుడు ఇండియాను రేప్ ఇండియా అని సంబోదించడంతో దేశం మొత్తం భగ్గుమన్నది. ప్రపంచంలో ఇండియాను అగ్రదేశాల సరసన నిలబెట్టేందుకు కేంద్రం ప్రయత్నం చేస్తున్న సమయంలో రాహుల్ ఇలాంటి వ్యాఖ్యలు చేయడం గమనార్హం. రాహుల్ గాంధీ క్షమాపణలు చెప్పాలని పార్లమెంట్ దద్దరిల్లింది. మహిళ ఎంపీలు నిరసనలు వ్యక్తం చేయగా, రాహుల్ మాత్రం క్షమాపణలు చెప్పే ప్రసక్తే లేదని అంటున్నాడు.

తాను క్షమాపణలు చెప్పాల్సి వస్తే…ప్రధాని కూడా క్షమాపణలు చెప్పాలని మెలికపెట్టాడు. ప్రధాని మోడీ ఢిల్లీని అత్యాచారాల రాజధానిగా పేర్కొన్నారని, దానికి సంబంధించిన వీడియో తన దగ్గర ఉందని చెప్పిన రాహుల్, ఆ వీడియోను తన సోషల్ మీడియాలో పోస్ట్ చేశారు. మోడీ పదేపదే మేక్ ఇన్ ఇండియా మేక్ ఇన్ ఇండియా అంటున్నా, పేపర్లో మాత్రం మేక్ ఇన్ ఇండియా కంటే అత్యాచారాలకు సంబంధించిన వార్తలే ఎక్కువగా వస్తున్నాయని, అందుకే తాను ఇలాంటి వ్యాఖ్యలు చేశానని అన్నారు రాహుల్. ఈ రేపుల వ్యవహారం ఇంకెతదూరం వెళ్తుందో చూడాలి.