మెగాస్టార్ చిరంజీవి( Chiranjeevi) అంటే ఐకాన్ స్టార్ అల్లు అర్జున్( Allu Arjun) కి ఎంత ఇష్టమో తెలిసిందే. తన మామయ్య పై ఉన్న ప్రేమని పలు వేదికలపై బన్నీ బయటపెట్టారు. వీరిద్దరికీ మధ్య ఎంతో అనుబంధం ఉంటుంది. అయితే వీరికి సంబంధించిన వార్త ఒకటి సోషల్ మీడియాలో వైరల్ అవుతుంది. ఇప్పటికే ‘పుష్ప’ సినిమాతో బన్నీ నేషనల్ అవార్డు కొట్టడంతో దానికి సీక్వెల్ గా వస్తున్న ‘పుష్ప-2’ పై అందరి దృష్టిపడింది.
తాజాగా ఈ సినిమాకి సంబంధించి క్రేజీ అప్డేట్ సోషల్ మీడియాని షేక్ చేస్తోంది. రియల్ లైఫ్ లో మాదిరిగానే ‘పుష్ప-2’ లో అల్లు అర్జున్..మెగాస్టార్ వీరాభిమానిగా కనిపించనున్నారట. 2000 సంవత్సరం నేపథ్యంలో ఈ సినిమా తెరకెక్కుతోందట. అంతేకాకుండా ఈ సినిమాలో మెగాస్టార్ నటించిన బ్లాక్ బస్టర్ మూవీ ‘ఇంద్ర’ సినిమాని రిఫరెన్స్ గా తీసుకుంటున్నారట. అయితే దీనిపై అఫీషియల్ అనౌన్స్మెంట్ రాకపోయినప్పటికీ ఈ వార్త మాత్రం సోషల్ మీడియా లో హల్చల్ చేస్తోంది.
బన్నీ పుట్టినరోజు కానుకగా రిలీజ్ చేసిన ఫస్ట్ లుక్ ఇప్పటికే సినిమాపై అంచనాలను పెంచేసింది. ఈ తాజా న్యూస్ కనుక నిజమైతే బాక్సాఫీస్ రికార్డులు బద్దలవుతాయంటూ ఫ్యాన్స్ సంబరపడుతున్నారు. సెన్సేషనల్ డైరెక్టర్ సుకుమార్( Sukumar) ఈ సినిమాకి దర్శకత్వం వహిస్తుండగా దేవి శ్రీ ప్రసాద్( Devi sri prasad) మ్యూజిక్ అందిస్తున్నారు. రష్మిక మందన్న( Rashmika Mandanna)హీరోయిన్ కాగా.. అనసూయ( Anasuya), సునీల్( Sunil), ఫహద్ ఫజిల్ కీలక పాత్రలు పోషిస్తున్నారు. వచ్చే ఏడాది ఈ సినిమా విడుదల కానుంది.