Prabhas : ప్రభాస్ సలార్ గత ఏడాది చివర్లో ప్రేక్షకుల ముందుకు వచ్చి భారీ విజయాన్ని సొంతం చేసుకున్న విషయం తెల్సిందే. సలార్ సూపర్ హిట్ తో ప్రభాస్ తాజా చిత్రం కల్కి2898 ఏడీ సినిమా పై అంచనాలు భారీగా పెరిగాయి. పైగా కల్కి సినిమా పాన్ వరల్డ్ మూవీ అంటూ మేకర్స్ మొదటి నుంచి బలంగా వాదిస్తూ వస్తున్నారు.
ఇప్పటికే పలు సార్లు ఈ సినిమా విడుదల వాయిదా పడింది. వైజయంతి వారికి సెంటిమెంట్ డేట్ అయిన మే 9న విడుదల చేయాలని నిర్ణయించారు. షూటింగ్ పూర్తి అయ్యింది. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ఈ సినిమా విడుదల విషయంలో చివరి నిమిషంలో టెన్షన్ తప్పేలా లేదు.
ఇప్పటి వరకు గ్రాఫిక్స్ వర్క్ ఒక కొలిక్కి రాలేదట. పెద్ద ఎత్తున వర్క్ జరుగుతున్నా కూడా ఏప్రిల్ లో కూడా పూర్తి అయ్యే పరిస్థితి లేదని గుసగుసలు వినిపిస్తున్నాయి. గ్రాఫిక్స్ వర్క్ పూర్తి అవ్వకుంటే మే 9న సినిమా విడుదల అయ్యేనా అనే అనుమానాలు వ్యక్తం అవుతున్నాయి. దర్శకుడు నాగ్ అశ్విన్ మాత్రం చాలా పట్టుదలతో మే 9న విడుదల చేయాలని భావిస్తున్నాడు. ఏప్రిల్ మూడవ వారం వరకు క్లారిటీ వచ్చే అవకాశాలు ఉన్నాయని కొందరు అంటున్నారు.