జనసేన అధినేత పవన్ కల్యాణ్.. ఆయనంటే చాలామందికి విపరీతమైన క్రేజ్. పవర్ స్టార్ గా ఎంతోమంది అభిమానులను సంపాదించుకున్న పవన్.. ఎక్కడికైనా వస్తున్నారంటే ఆయన్ను చూడటానికి జనం ఎగబడతారు. ఆయన సినిమా ఫంక్షన్లకు వచ్చే అభిమానులైతే మొదటి నుంచి చివరి వరకు పవర్ స్టార్ అంటూ హోరోత్తిస్తూనే ఉంటారు.
అలాంటి పవన్ కల్యాణ్.. సినిమాలకు స్వస్తి పలికి రాజకీయాల్లోకి వచ్చారు. ప్రశ్నించడానికే అంటూ జనసేన స్థాపించారు. తొలిసారిగా ప్రత్యక్ష ఎన్నికల బరిలో దిగారు. దీంతో ఆయన ఎక్కడకు వచ్చినా అభిమానులు పోటెత్తుతున్నారు. అలాంటి పవన్ కల్యాణ్ సభలకు జనం కరువయ్యారన్న వార్త సంచలనంగా మారింది.
ఎన్నికల ప్రచారంలో భాగంగా జనసేన అధినేత పవన్ కల్యాణ్ మంగళవారం విశాఖ జిల్లాలో చోడవరం, అనకాపల్లి, పెందుర్తిల్లో జరిగే సభల్లో పాల్గొనాల్సి ఉంది. అయితే, ఆయా సభలకు జనం అస్సలు లేకపోవడంతో వాటిని రద్దు చేసుకున్నారనే టాక్ వినిపిస్తోంది. ఒకే రోజు మూడు సభల ద్వారా సత్తా చాటాలని భావించిన జనసేన వర్గాలకు ఇది మింగుడుపడలేదు.
ఏ సభలోనూ సరిగా జనం లేరని, వచ్చే అవకాశాలు కూడా లేవని పేర్కొనడంతో నిర్వాహకులకు సభలు రద్దు చేయడం మినహా మరో అవకాశం కనిపించలేదని తెలుస్తోంది. ఒకవేళ జనాలను సమీకరించాలని భావించినా అది అప్పటికప్పుడు అయ్యే పనికాదు. ఏదైనా సభ నిర్వహించాలంటే అందుకు కొన్ని రోజుల ముందునుంచే ప్లానింగ్ చేసుకోవాల్సి ఉంటుంది. క్షేత్రస్థాయి నాయకులు జనసమీకరణ బాధ్యత చూసుకుంటారు.
అయితే, ఇలాంటి క్షేత్రస్థాయి నెట్ వర్క్ ఏమీ లేకుండా భారీ ఎత్తున బహిరంగ సభలు నిర్వహించాలని భావించడం కత్తి మీద సామే. సరైన ప్రణాళిక లేకుండా సభ నిర్వహించాలని భావిస్తే మొదటికే మోసం వస్తుంది. రోడ్ షోల వరకు ఎలాగైనా మేనేజ్ చేయొచ్చు. కానీ బహిరంగ సభల విషయంలో మాత్రం అప్రమత్తంగా లేకుంటే భంగపాటు తప్పదు.
ఇటీవల టీఆర్ఎస్ అధినేత కేసీఆర్ హైదరాబాద్ సభ సైతం ఘోరంగా విఫలమైంది. ఆ సభకు పట్టుమని పది వేల మంది కూడా రాలేదన్న సమాచారం తెలుసుకున్న గులాబీ బాస్.. సభకు హాజరుకాకుండానే వెళ్లిపోయారు. తర్వాత అందుకు బాధ్యులైన హైదరాబాద్ నేతలకు తలంటినట్టు సమాచారం.
అధికారంలో ఉన్న పార్టీకే ఇలాంటి పరిస్థితి ఉంటే.. ఇంకా పూర్తిస్థాయిలో నెట్ వర్క్ లేని జనసేన వంటి పార్టీలు అత్యంత అప్రమత్తంగా ఉండాల్సిన అవసరం ఉందని అంటున్నారు. పవన్ అంటే పూనకం వచ్చినట్టుగా ఊగిపోయే ఫ్యాన్స్ కూడా సభలకు ఎందుకు రాలేదనే అంశం ప్రస్తుతం జోరుగా చర్చ సాగుతోంది. పవన్ ప్రసంగాలలో కొత్తదనం లేకపోవడం కూడా ఇందుకు కారణం కావొచ్చని అంటున్నారు.
ఆయన అధికార పార్టీని వదిలేసి విపక్ష పార్టీని మాత్రమే టార్గెట్ చేయడం కూడా చాలామందికి నచ్చడంలేదనే వ్యాఖ్యలు వినిపిస్తున్నాయి. పైగా అధికార తెలుగుదేశం పార్టీతో రహస్య అవగాహన కొనసాగిస్తున్నారని, రెండు పార్టీల నేతలు పరస్పరం సహకరించుకుంటున్నారంటూ ప్రతిపక్ష వైఎస్సార్ సీపీ నేతలు చేస్తున్న ప్రచారం కూడా పవన్ కు వ్యతిరేకంగా మారిందని చెబుతున్నారు.
ఈ ప్రచారాన్ని ఎదుర్కోవడంలో జనసేన వర్గాలు ఒకింత విఫలమయ్యాయని అంటున్నారు. ఇక ప్రచారానికి వారం రోజుల సమయం మాత్రమే ఉన్న నేపథ్యంలో జనసేన తన వ్యూహం మార్చుకుంటుందో లేదో చూడాలి.
660226 490888Woh I like your weblog posts, saved to fav! . 137242
566615 388923I notice there is undoubtedly lots of spam on this weblog. Do you require assist cleaning them up? I might support between courses! 358320
424738 237413I gotta favorite this internet website it seems handy . 593770
968126 63539Really well written story. It will likely be valuable to anyone who usess it, including yours truly . Maintain up the excellent function – canr wait to read more posts. 176920
162512 746376wonderful post. Neer knew this, regards for letting me know. 986822