ఏపీ అసెంబ్లీ ఎన్నికలకు ఇక వారం రోజుల సమయం మాత్రమే ఉండటంతో ప్రధాన పార్టీలు తమ ప్రచారాన్ని ముమ్మరం చేశాయి. తాము అధికారంలోకి వస్తే ఏం చేస్తామో చెబుతున్నాయి. తాజాగా మేనిఫెస్టోల విడుదల కార్యక్రమం మొదలైంది. ఈ విషయంలో పవన్ కల్యాణ్ నేతృత్వంలోని జనసేన ముందుంది.
బుధవారం ఆ పార్టీ ఎన్నికల ప్రణాళికను విడుదల చేసింది. ఆత్మగౌరవం, అభివృద్ధి, సంక్షేమమే తమ నినాదాలుగా పేర్కొంటూ 22 పేజీల మేనిఫెస్టోను ఆవిష్కరించింది. ప్రజా సంక్షేమంలోనూ, సంపద పంపిణీలోనూ అందరికీ సమాన అవకాశాలు కల్పించడమే తమ ధ్యేయమని స్పష్టంచేసింది. రైతులకు ఏడాదికి ఎకరాకు రూ.8వేల పెట్టుబడి సాయంతోపాటు 60 ఏళ్లు పైబడిన సన్న, చిన్నకారు, కౌలు రైతులకు నెలకు 5వేల పింఛను అందిస్తామని పేర్కొంది.
అలాగే 58 ఏళ్లు పైబడిన చేనేత, మత్స్యకారులకు కూడా నెలకు రూ.5వేల పింఛను ఇస్తామని తెలిపింది. ఒకటి నుంచి పీజీ వరకు ఉచిత విద్య, ఇంటర్ విద్యార్థులకు ల్యాప్ టాప్ లు ఇస్తామని ప్రకటించింది. రాయలసీమ, కోనసీమ అభివృద్ధికి తీసుకునే చర్యలను కూడా అందులో వివరించారు. వ్యవసాయంలో ఉన్నవారంతా లబ్ధి పొందేందుకు వీలుగా జాతీయ గ్రామీణ ఉపాధి హామీ పథకం కిందకు వ్యవసాయాన్ని తీసుకువస్తామని పేర్కొన్నారు. మొత్తం 96 హామీలను జనసేన తన మేనిఫెస్టోలో పేర్కొంది.
జనసేన మేనిఫెస్టోల ఇంకా ఏమున్నాయంటే..
రైతులందరికీ ఉచితంగా సోలార్ పంపు సెట్లు
ప్రతి కుటుంబానికీ రూ.10 లక్షల వరకు ఆరోగ్య బీమా
చేనేత వృత్తులవారికి అదనంగా మరో రూ.2 లక్షల బీమా
జిల్లా ఆస్పత్రులన్నీ సూపర్ స్పెషాలిటీ ఆస్పత్రులగా మార్పు
ప్రతి మండలంలో సంచార వైద్యశాల
గిరిజనుల వైద్యం కోసం ప్రతి ఐదు గ్రామాలకు ఒక అంబులెన్స్
ప్రతి మండలంలో ప్రభుత్వ వృద్ధాశ్రమాల ఏర్పాటు
బహుళ అంతస్తుల నిర్మాణాల ద్వారా ప్రజలందరికీ ఇళ్ల వసతి
వార్షిక కేలండర్ ద్వారా ఆంధ్రప్రదేశ్ పబ్లిక్ సర్వీస్ కమిషన్ ద్వారా ఉద్యోగాల భర్తీ
ఆరు నెలల్లోపు బ్యాక్ లాగ్ పోస్టుల భర్తీ
అసెంబ్లీలో మహిళలకు 33 శాతం రిజర్వేషన్లు
స్థానిక సంస్థల్లో స్వయం ఉపాధి సంఘాల మహిళలకు ప్రాధాన్యం
ఆడపిల్ల పెళ్లి కోసం రూ.లక్ష వరకు వడ్డీ లేని రుణం
ఆడపడచులకు ఏటా రూ.10,001 విలువైన కానుక
పోలీసు శాఖలోని ఖాళీలన్నీ ఏడాదిలోగా భర్తీ.. కొత్తగా 25వేల పోస్టుల నియమాకం
మైనారిటీల అభివృద్ధి కోసం సచార్ కమిటీ సిఫార్సుల అమలు
రేషన్ కు బదులుగా మహిళల ఖాతాల్లో నెలకు నేరుగా రూ.2,500 నుంచి 3,500 నగదు జమ
కుటుంబ పరిమాణం ఆధారంగా ఏడాదికి 6 నుంచి 10 ఉచిత సిలండర్ల పంపిణీ
ప్రభుత్వ ఉద్యోగుల సీపీఎస్ రద్దు
ఔట్ సోర్సింగ్, కాంట్రాక్టు ఉద్యోగులకు ఉద్యోగ భద్రత, సమాన పనికి సమాన వేతనాల అమలు
దివ్యాంగుల కోసం ప్రత్యేక పాఠశాలల ఏర్పాటు
పాక్షిక వికలాంగుల కుటుంబానికి నెలకు రూ.5వేలు, పూర్తి వికలాంగుల కుటుంబాలకు రూ.10వేల పెన్షన్
బీసీ రిజర్వేషన్లు 5 శాతం పెంపు.. బీసీలకు రాజకీయ రిజర్వేషన్లు
రాజ్యాంగంలోని 9వ షెడ్యూల్ ప్రకారం కాపు రిజర్వేషన్లు కల్పించడానికి చర్యలు
496374 486821Glad to be one of the visitors on this awe inspiring web website : D. 23913
861327 444506Wow, fantastic blog layout! How long have you been blogging for? 790942