యువజన రైతు కాంగ్రెస్ పార్టీని ర్యాగింగ్ చేయడానికే జనసేన అధినేత పవన్ కళ్యాణ్ వాహనాల్ని కొనుగోలు చేస్తున్నారా.? ఏమో, అలాగే అనుకోవాలేమో. జనసేన పార్టీ కోసం స్కార్పియో వాహనాల్ని కొన్నాళ్ళ క్రితం పవన్ కళ్యాణ్ కొనుగోలు చేస్తే, ఆ వాహనాల విషయమై వైసీపీ నేతలు, ముఖ్యమంత్రులు గిలగిలా కొట్టుకున్న వైనం గురించి ఎంత చెప్పుకున్నా తక్కువే.
మొన్నీమధ్యనే జనసేన అధినేత పవన్ కళ్యాణ్ కోసం ‘వారాహి’ అనే వాహనాన్ని ప్రత్యేకంగా డిజైన్ చేయించారు. దానికి వేసిన రంగు మీద కూడా వైసీపీ మంత్రులు నానా రకాల విమర్శలూ చేసి పరువు పోగొట్టుకున్నారు. ‘ఎలా రిజిస్ట్రేషన్ అవుతుందో మేమూ చూస్తాం..’ అని సవాల్ విసిరినోళ్ళు, ఆ వాహనానికి రిజిస్ట్రేషన్ అంతకు ముందే అయిపోయిందని తెలిసి నాలిక్కర్చుకున్నారు.. అయినా బుకాయించారు.
తాజాగా, జనసేన అధినేత పవన్ కళ్యాణ్ కొత్తగా మరికొన్ని కార్లు కొన్నారు. వాటికి రిజిస్ట్రేషన్ కూడా చేయించారు. మెర్సిడెస్ బెంజ్ కారు, రెండు స్కార్పియో కార్లు, ఒక జీపు, ఒక టయోటా వెల్ఫేర్ కారుతోపాటు సరుకు రవాణా వాహనమొకటి వీటిల్లో వున్నట్లు రవాణా శాఖ ఉప కమిషనర్ పేర్కొనడం గమనార్హం.
తెలంగాణలో ఈ వాహనాలకు రిజిస్ట్రేషన్ జరిగింది. మరోపక్క, పవన్ కళ్యాణ్ అంతర్జాతీయ డ్రైవింగ్ లైసెన్స్ కోసం కూడా దరఖాస్తు చేసుకున్నారు.
పవన్ కళ్యాణ్ తెలుగు సినీ పరిశ్రమలో తిరుగులేని కథానాయకుడు. అత్యధిక రెమ్యునరేషన్ అందుకుంటోన్న హీరోల్లో ఆయనా ఒకరు. కాదు కాదు, ఆయనదే హయ్యస్ట రెమ్యునరేషన్ సినీ పరిశ్రమలో అంటారు చాలామంది.
ప్రస్తుతం చేతిలో చాలా సినిమాలున్నాయి పవన్ కళ్యాణ్కి. ఒక్కో సినిమాకీ దాదాపు 50 కోట్ల పైనే పవన్ కళ్యాణ్ రెమ్యనరేషన్ తీసుకుంటారన్న చర్చ సినీ పరిశ్రమలో జరుగుతుంటుంది. సో, పవన్ కళ్యాణ్ వాహనాలు కొనుగోలు చేయడం అనేది చాలా చాలా చిన్న విషయం.
కానీ, వైసీపీ అలా ఊరుకుంటుందా.? ఊరుకుంటే వాళ్ళు వైసీపీ నేతెలందుకు అవుతారు.?
354778 871435Dead written articles , appreciate it for entropy. 222284
856646 963099Its difficult to acquire knowledgeable individuals about this topic, and you sound like what happens you are speaking about! Thanks 347837