జనసేన అధ్యక్షుడు పవన్ కళ్యాణ్ తన రాజకీయ, సినిమా కార్యకలాపాల నుండి కొన్ని రోజులు విరామం తీసుకుంటున్నాడు. పవన్ కళ్యాణ్ ఈరోజు తన భార్య అన్నాతో కలిసి ఇటలీ పయనమయ్యాడు. ఇటలీలో మెగా ప్రిన్స్ వరుణ్ తేజ్ వివాహం జరగబోతోన్న విషయం తెల్సిందే. వరుణ్ తేజ్, లావణ్య త్రిపాఠిల వివాహం నవంబర్ 1న జరగనుంది. దీనికి మెగా ఫ్యామిలీ మొత్తం తరలివెళ్ళనుంది.
హైదరాబాద్ లో టాలీవుడ్ ప్రముఖుల కోసం ఇటలీ నుండి తిరిగొచ్చాక వరుణ్, లావణ్యలు ఒక భారీ రిసెప్షన్ ను ప్లాన్ చేసినట్లు తెలుస్తోంది. అది ఎప్పుడు అనేది త్వరలోనే తెలుస్తుంది.
ఇక పవన్ కళ్యాణ్ ప్రస్తుతం అటు రాజకీయాలతో ఇటు సినిమాలతో బిజీగా ఉంటున్నారు. ప్రస్తుతం ఆంధ్రప్రదేశ్ లో నెలకొన్న రాజకీయ పరిస్థితులు, పవన్ కళ్యాణ్ చేయాల్సిన సినిమాలు.. ఇవన్నీ పక్కనపెట్టి తన అన్న కొడుకు వివాహం కోసం పవన్ కళ్యాణ్ సమయం కేటాయించాడు.