సూపర్ స్టార్ మహేష్ బాబు హీరోగా, స్టార్ దర్శకుడు త్రివిక్రమ్ శ్రీనివాస్ తెరకెక్కిస్తోన్న చిత్రం గుంటూరు కారం. శ్రీలీల, మీనాక్షి చౌదరిలు హీరోయిన్లుగా నటిస్తున్నారు. ఈ చిత్ర షూటింగ్ అప్డేట్స్ పై రకరకాల రూమర్స్ ప్రచారంలోకి వచ్చాయి కానీ అసలు నిజం ఏమిటంటే ఒక్క పాట మినహా షూటింగ్ మొత్తం పూర్తయింది. రేపటి నుండి ఆ పాట షూటింగ్ కూడా మొదలుపెడుతున్నారు.
మహేష్, శ్రీలీలతో పాటు మరో ప్రముఖ హీరోయిన్ ఈ సాంగ్ లో ఆడిపాడుతోంది. ఆమె వివరాలు త్వరలోనే తెలుస్తాయి. నాలుగు రోజుల్లో ఈ పాత చిత్రీకరణ పూర్తి చేస్తారు. అంటే క్రిస్మస్ కల్లా మొత్తం షూటింగ్ పూర్తవుతుంది. తర్వాతి వారం రోజుల్లో పోస్ట్ ప్రొడక్షన్ పనులు కూడా చక్కబెట్టేసి ఇక ప్రమోషన్లు చూసుకుంటారని తెలుస్తోంది.
జనవరి 12న భారీ ఎత్తున ఈ చిత్రం విడుదల కాబోతోంది. మొత్తం నాలుగు పాటలు, ఒక బిట్ సాంగ్ ఉన్న ఈ చిత్రంలో ఇప్పటికే రెండు పాటలు విడుదలయ్యాయి.