ఆంధ్రప్రదేశ్ లో అభివృద్ధికి చోటే లేదని, సర్కారు అవలంభిస్తున్న అసంబద్ధ విధానాల వల్ల కొత్త పరిశ్రమలు రాకపోగా.. ఉన్నవి కూడా వెళ్లిపోతున్నాయంటూ టీడీపీ, ఆ పార్టీ అనుకూల మీడియా దాదాపు రోజూ చేసే ఆరోపణలే. జగన్ నవ మాసాల పాలన నవ మోసాలుగా సాగిందంటూ టీడీపీ విమర్శలు కూడా చేసింది. రాష్ట్రానికి ఒక్క పరిశ్రమ కూడా రాలేదని తీవ్రంగా ధ్వజమెత్తింది.
అయితే, వాస్తవం మాత్రం అందుకు విరుద్ధంగా ఉంది. జగన్ పాలన చేపట్టిన ఈ తొమ్మిది నెలల్లో దాదాపు 20వేల కోట్ల పెట్టుబడులతో 39 పరిశ్రమలు తమ ఉత్పత్తులు ప్రారంభించాయని ప్రభుత్వం తాజాగా వెల్లడించింది. వీటి ద్వారా దాదాపు 33 వేల మంది ఉపాధి పొందుతున్నారని పేర్కొంది.
అలాగే 1840 కోట్లతో ఏర్పాటైన సూక్ష్మ, మధ్యతరహా పరిశ్రమల ద్వారా మరో 49 వేల మందికి ఉపాధి కలుగుతోందని వివరించింది. ఇవి కాకుండా మరో 50వేల కోట్ల వ్యయంతో ఏర్పాటు చేయబోయే పరిశ్రమలకు సంబంధించిన ప్రతిపాదనలు పరిశీలనలో ఉన్నాయని వెల్లడించింది.
నిజానికి జగన్ అధికారంలోకి వచ్చిన తర్వాత అభివృద్ధి ఆగిపోయిందనే విమర్శలు వెల్లువలా వచ్చాయి. ఒక్క పరిశ్రమా రాలేదని టీడీపీ నేతలు పనిగట్టుకుని పదేపదే విమర్శలు చేసేవారు. అయితే, వీటిని తిప్పి కొట్టడంలో అధికార పార్టీ విఫలమైంది. ఈ పరిశ్రమల ఏర్పాటుకు సంబంధించి ఒక్కరూ ధీటుగా చెప్పలేకపోయారు. మీడియా అండ మొత్తం టీడీపీకే ఉండటం వైసీపీకి మైనస్ అయింది.
అదే చంద్రబాబు హయాంలో ఏ చిన్న ఒప్పందం జరిగినా మీడియాలో బాగా హైలైట్ అయ్యేది. దీంతో బాబు హయాంలో బోలెడె అభివృద్ధి జరుగుతోందనే సంకేతాలు ప్రజల్లోకి వెళ్లేవి. కానీ ఆయా ఒప్పందాల్లో చాలా కంపెనీలు రాష్ట్రంలో ఇప్పటికీ కార్యకలాపాలు ప్రారంభించలేదు. ఈ నేపథ్యంలో జగన్ హయాంలో 22వేల కోట్ల పెట్టుబడులతో కంపెనీలు ఏర్పాటయ్యాయనే విషయాన్ని తాజాగా ప్రభుత్వం వెల్లడించింది.
139276 906742When I initially commented I clicked the -Notify me when new comments are added- checkbox and now each time a remark is added I get four emails with the same comment. Is there any manner you possibly can take away me from that service? Thanks! 337602
493423 174469Today, I went to the beach with my kids. I found a sea shell and gave it to my 4 year old daughter and said “You can hear the ocean if you put this to your ear.” She put the shell to her ear and screamed. There was a hermit crab inside and it pinched her ear. She never wants to go back! LoL I know this is totally off topic but I had to tell someone! 538336