NBK109 : నందమూరి బాలకృష్ణ ప్రస్తుతం బాబీ దర్శకత్వంలో సినిమాను చేస్తున్నాడు. ఇంకా టైటిల్ ఖరారు కానీ ఈ సినిమాను ఇదే ఏడాదిలో విడుదల చేయాలని పట్టుదలతో ఉన్నారు. ఒక వైపు రాజకీయాలతో బిజీగా ఉన్నా కూడా మరో వైపు ఈ సినిమా షూటింగ్ కోసం బాలయ్య డేట్లు ఇస్తున్నాడు.
తాజాగా ఈ సినిమాకు సంగీత దర్శకుడిగా థమన్ ను ఎంపిక చేసినట్లు శివ రాత్రి సందర్భంగా ప్రకటించారు. ఈ ప్రకటనతో బాలయ్య ఫ్యాన్స్ కు మంచి ఊపు వచ్చినట్లు అయింది. ఎందుకంటే గత మూడు సినిమాలకు బాలయ్య కు అదిరి పోయే సంగీతంను థమన్ ఇచ్చాడు.
థమన్ యొక్క సంగీతంతోనే అఖండ, వీర సింహారెడ్డి మరియు భగవంత్‌ కేసరి సినిమాలు వచ్చాయి. మూడు కూడా హిట్ అయ్యి హ్యాట్రిక్ సాధించిన విషయం తెల్సిందే. అందుకే డబుల్‌ హ్యాట్రిక్ కోసం మళ్లీ థమన్ కే బాలయ్య ఛాన్స్ ఇచ్చినట్లుగా మాట్లాడుకుంటూ ఉన్నారు.
బాలయ్య బాడీ లాంగ్వేజ్ కి మ్యాచ్‌ అయ్యే విధంగా థమన్ బ్యాక్‌ గ్రౌండ్‌ స్కోర్ ఇస్తాడు. అందుకే కచ్చితంగా వీరి కాంబోలో మరో విజయం రానుందని అభిమానులు నమ్మకంగా ఉన్నారు. మరి పాటల విషయంలో పరిస్థితి ఎలా ఉంటుందో చూడాలి…!
#NBK109 🔥LETS start THe Second #Hatrick Innings with Our Dearest #NandamuriBalakrishna 🦁 Gaaru ✨🔥
Wait For Some Fireworks this Evening 🔥🔥🔥 https://t.co/8vkA8P0Z2Y
— thaman S (@MusicThaman) March 8, 2024