జాతీయ మీడియా ఏకిపారేస్తోంది.. నాయకులారా ఆలోచించండి..

అందుకే అమరావతి శంకుస్థాపన సమయంలో ప్రతిపక్ష నేతగా అడుగుకూడా పెట్టలేదు.  ప్రతిపక్ష నేతగా రావాల్సిన బాధ్యత ఆయనపై ఉన్నది.  సొంతంగా ఎన్ని గొడవలైన ఉండొచ్చు.  రాజకీయంగా విభేదించవచ్చు.  కానీ, పాలన విషయంలో మాత్రం కలిసి పనిచేయాలి.  అలా కలిసి పనిచేయలేకుంటే మాత్రం అభివృద్ధి కుంటుపడుతుంది. ఆఫ్ కోర్స్, అమరావతికి  కేంద్రం సరైన సహకారం అందించలేదు అనుకుందాం.  అలాంటప్పుడు రాజధాని కోసం కోట్లాది డబ్బులు తెచ్చుకోవాలి. అభివృద్ధి చేసుకోవాలి.

చంద్రబాబు గతంలో హైదరాబాద్ పై మాత్రమే దృష్టి పెట్టి మిగతా ప్రాంతాలను పెద్దగా పట్టించుకోలేదు.  అందుకే మిగతా ప్రాంతాలు వెనకబడిపోయాయి.  దీనిని బూచిగా చూపించి అమరావతి ఒక్కటే అభివృద్ధి చెందితే, మిగతా ప్రాంతాల అభివృద్ధి మాటేంటి అని జగన్ ప్రశ్నిస్తున్నారు.  ఇది మంచి ప్రశ్న.  ఎవరూ కాదనరు.  కాకపోతే, రాజధాని ఒకే చోట ఉంచి, మిగతా ప్రాంతాలను కూడా అభివృద్ధి చేయాలి.  ఆంతే తప్పించి అభివృద్ధి వికేంద్రీకరణ పేరుతో పాలనను వికేంద్రీకరిస్తే, దాని వలన అభివృద్ధి జరగకపోతే, మొదటికే మోసం వస్తుంది.  రాజధాని అనే పదం రాజ్యాంగంలో లేకపోతే దేశంలోని ఇన్ని రాష్ట్రాలు రాజధానిని ఎందుకు ఏర్పాటు చేసుకుంటాయి.  వాళ్లకు రాజ్యాంగంలో రాజధాని అనే పదం లేదని తెలియదా… తెలియకుండానే పరిపాలన చేస్తున్నారా? అని జాతీయ మీడియా ప్రశ్నిస్తోంది.  జాతీయ మీడియా ఆంధ్రప్రదేశ్ రాజకీయాంశాలపై దృష్టి పెట్టింది.  నాయకులారా ఆలోచించండి.  ఆంధ్రప్రదేశ్ పరువును గంగలో కలపకండి.  అభివృధ్ధికోసం ఆంధ్రప్రదేశ్ ఎదురుచూస్తున్నది.  ఐదేళ్ల కొత్త రాష్ట్రం.  నాయకులు, ప్రభుత్వాధినేతలు ఎలాంటి తప్పుడు నిర్ణయాలు తీసుకున్నా దాని ఫలితం దారుణంగా ఉంటుంది.  తిరిగి కోలుకోవడానికి దశాబ్దాల సమయం పడుతుంది.  ఆలోచించండి… అలోచించి నిర్ణయం తీసుకోండి.