నందమూరి తారాక రామారావు గారి వారసుడిగా ఎంట్రీ ఇచ్చినప్పటికి చాలా తొందర్లోనే బాలకృష్ణ తనకంటూ ప్రత్యేక ఇమేజ్ ను సొంతం చేసుకున్నారు. అన్న గారి నటన పరంగా నిజమైన వారసుడు బాలకృష్ణ అంటూ అభిమానులు స్టార్ హీరోగా చేశారు. తెలుగులో దాదాపుగా రెండు దశాబ్దాల పాటు నెం.2 హీరోగా కొనసాగి నెం.1 చిరంజీవికి బలమైన పోటీగా నిలిచిన బాలకృష్ణ సుదీర్ఘ కాలంగా సినీ ప్రస్థానంను కొనసాగిస్తూనే ఉన్నారు. ఆయన గురించి చెప్పాలంటే ఏకంగా ఒక గ్రంధం రాయవచ్చు. అంతటి ఘనత కలిగిన నందమూరి బాలకృష్ణ ప్రస్తుతం అఖండ సినిమాతో ప్రేక్షకుల ముందుకు వచ్చేందుకు సిద్దం అవుతున్నాడు. ఈ సినిమాలో బాలయ్యను దర్శకుడు బోయపాటి అఘోర లుక్ లో చూపించబోతున్నట్లుగా వార్తలు వస్తున్నాయి.
బాలకృష్ణ ను అఘోరా లుక్ లో చూపించబోతున్నట్లుగా గత కొన్నాళ్లుగా వస్తున్న వార్తలపై ఇండస్ట్రీ వర్గాల్లో చర్చ జరుగుతోంది. ఆయన ఎలా ఉంటాడో అంటూ అంతా ఆసక్తిగా ఎదురు చూస్తున్నారు. ఈ సమయంలోనే బాలయ్య గత చిత్రాలను అభిమానులు ముందు పెడుతున్నారు. అద్బుతమైన పాత్రలు ఎన్నో చేసిన బాలయ్యకు అఘోర లుక్ పెద్ద కష్టం ఇబ్బంది ఏమీ కాదు. భైరవ ద్వీపం సినిమాలో కురూపి గా నటించి మెప్పించిన బాలకృష్ణ ఆ తర్వాత కూడా పలు పాత్రల్లో నటించి మెప్పించాడు. ఆయన నటించిన వందకు పైగా చిత్రాల్లో ఎన్నో విభిన్నమైన పాత్రలు పోషించి నవరస నటుడిగా పేరు దక్కించుకున్నాడు. అద్బుతమైన నటుడిగా ఇప్పటికే అభిమానులు మరియు విమర్శకులతో కీర్తించబడుతున్న బాలయ్య కొత్త సినిమాల్లో మరింత కొత్తగా కనిపించేందుకు ఎప్పుడు ప్రయత్నిస్తూనే ఉంటాడు.
వంద సినిమాల్లో నటించి మెప్పించిన బాలయ్య మరిన్ని సినిమాలు చేసే స్టామినా ఉందంటూ చెప్పకనే చెబుతున్నాడు. ఆయన తనయుడు నందమూరి మోక్షజ్ఞ ఎంట్రీ కోసం అభిమానులు ఎంతో ఆసక్తిగా ఎదురు చూస్తున్నారు. కొడుకును వెండి తెరపైకి తీసుకు వచ్చేందుకు ప్రయత్నాలు చేస్తూనే మరో వైపు తాను హీరోగా వరుసగా సినిమాలు చేస్తున్నాడు. ఒక వైపు అఖండ సినిమా విడుదల కాకుండానే మరో వైపు యంగ్ డైరెక్టర్ గోపీచంద్ మలినేని దర్శకత్వంలో ఒక సినిమాను చేసేందుకు కమిట్ అయ్యాడు. ఈ రెండు సినిమాలు బ్యాక్ టు బ్యాక్ రాబోతున్నాయి. సక్సెస్ ప్లాప్ లు పట్టించుకోకుండా కెరీర్ లో ముందుకు వెళ్తున్న నందమూరి బాలకృష్ణ వరుసగా సినిమాలు చేస్తూనే ఉన్నాడు.
ఇండస్ట్రీ హిట్ లు ఎన్నో దక్కించుకున్న నందమూకి బాలకృష్ణ ఇప్పటికి యంగ్ హీరోలకు ఆదర్శంగా నిలుస్తూ ఉన్నాడు. అలాంటి బాలయ్య నేడు పుట్టిన రోజు జరుపుకుంటున్నాడు. ఈ సందర్బంగా ఆయనకు పుట్టిన రోజు శుభాకాంక్షలు చెబుతూ అభిమానులు సోషల్ మీడియా ను హోరెత్తిస్తున్నారు. పెద్ద ఎత్తున ఈయన బర్త్ డే వేడుకలు జరగాల్సి ఉన్నా కూడా కరోనా కారణంగా వాయిదా వేశారు. ఇక బాలయ్య అఖండ పోస్టర్ తో సందడి చేస్తున్నారు. బాలయ్య కు మా తరపున మీ తరపున హృదయ పూర్వక పుట్టిన రోజు శుభాకాంక్షలు. ఆయన మరిన్ని సినిమాలు చేసి సక్సెస్ లు దక్కించుకుని ఆరోగ్యంగా ఉండాలని కోరుకుంటున్నాం. హ్యాపీ బర్త్ డే బాలయ్య.
387178 188674They call it the self-censor, simply because you are too self-conscious of your writing, too judgmental. 969086