ఎస్ ఎస్ థమన్ ఫామ్ ఇప్పుడు మాములుగా లేదు. గతేడాది నుండి థమన్ నుండి కంప్లీట్ ఫెయిల్యూర్ ఆల్బమ్ అనేది లేదు. ఇక సూపర్ హిట్స్ విషయానికి వస్తే బోలెడు ఉన్నాయి. వరసగా హిట్ ఆల్బమ్స్ తో టాలీవుడ్ లో నెం 1 మ్యూజిక్ డైరెక్టర్ గా అవతరించాడు థమన్. అల వైకుంఠపురములో మ్యూజిక్ తో థమన్ స్థాయి ఖండాంతరాలు దాటి వెళ్ళింది. విదేశీయులు కూడా అల వైకుంఠపురములో మ్యూజిక్ కు ఫిదా అవుతున్నారు. రీసెంట్ గా బుట్ట బొమ్మ సాంగ్ 25 కోట్ల వ్యూస్ ను దాటి తెలుగులో టాప్ ఆల్బమ్ గా అవతరించింది.
టాలీవుడ్ సంగీత దర్శకులు మిగతా భాషల్లో సినిమాలు చేయడం సర్వసాధారణమే. ఎం ఎం కీరవాణి, మణిశర్మ, దేవి శ్రీ ప్రసాద్ లాంటి వారు తమిళ, హిందీ పరిశ్రమల్లో తమ సత్తాను చాటారు. అయితే ఒక్క తెలుగు సంగీత దర్శకుడు కూడా మలయాళంలో ఇప్పటివరకూ సినిమా చేసింది లేదు. ఇప్పుడు ఆ రికార్డును థమన్ అందుకోబోతున్నాడు.
మలయాళంలో పృథ్వీరాజ్ హీరోగా షాజీ కైలాస్ దర్శకత్వంలో తెరకెక్కనున్న చిత్రానికి థమన్ ను సంగీత దర్శకుడిగా ఎంచుకున్నట్లు తెలుస్తోంది. మరి ఈ భాషలో కూడా థమన్ తన పాగా వేస్తాడేమో.