తమిళ దర్శకుడిపై హత్యాయత్నం జరిగిందా ..!?

ప్రముఖ్ తమిళ దర్శకుడు సుశీంద్రన్ ఈ రోజు ఉదయం రోడ్డు ప్రమాదంలో తీవ్రంగా గాయపడ్డారు. అయన రోజులాగే ఉదయం వాకింగ్ కు వెళుతున్న సమయంలో ఓ బైకర్ అతన్ని డీ కొట్టాడు. దాంతో కింద పడ్డ సుశీంద్రన్ కు తీవ్ర గాయాలయ్యాయి. ఎడమచేతి ఎముక విరిగింది. దాంతో ఆయనను వెంటనే ఓ ప్రయివేట్ ఆసుపత్రిలో చేర్పించారు. ప్రస్తుతం సుశీంద్రన్ ఆరోగ్యం బాగానే ఉందంటూ వైద్యులు పేర్కొన్నారు.

అయితే సుశీంద్రన్ పై హత్యాయత్నం జరిగింది అంటూ కోలీవుడ్ లో న్యూస్ వైరల్ గా మారింది. వెన్నల కబడ్డీ కులు సినిమాతో దర్శకుడిగా పరిచయం అయిన సుశీంద్రన్ కార్తీ హీరోగా వచ్చిన నా పేరు శివ సినిమాతో దర్శకుడిగా మంచి క్రేజ్ తెచ్చుకున్నాడు. ఆ తరువాత వరుసగా అయన స్టార్ హీరోలతో సినిమాలు చేస్తున్నాడు.

లేటెస్ట్ గా ఆయన తీసిన కెనడీ క్లబ్, ఛాంపియన్ సినిమాలు విడుదల అయ్యాయి. అయితే సుశీంద్రన్ పై హత్యాయత్నం జరిగిందన్న దిశగా పోలీసులు అరా తీస్తున్నట్టు తెలిసింది. తక్కువ సమయంలోనే దర్శకుడిగా మంచి ఇమేజ్ తెచ్చుకున్న సుశీంద్రన్ కు పగవాళ్ళు కూడా ఉన్నారా అన్న దిశగా అన్వేషణ జరుగుతుంది.