Meter Movie Review: వరస సినిమాలతో దూసుకొస్తోన్న కిరణ్ అబ్బవరం నుండి వచ్చిన మరో చిత్రం మీటర్. మాస్ చిత్రమన్న కలరింగ్ ఇవ్వడం, మైత్రి మూవీ మేకర్స్ బ్యాకింగ్ ఉండటంతో మీటర్ పై అంచనాలు బాగానే కుదిరాయి. మరి కిరణ్ మాస్ హీరోగా సెటిల్ అవ్వాలన్న కల నెరవేరిందా?
కథ:
అర్జున్ కళ్యాణ్ తండ్రికి తన కొడుకుని పోలీస్ గా చూసుకోవాలన్నది ఆశ. అయితే అర్జున్ కళ్యాణ్ కు మాత్రం అది అసలు ఇష్టముండదు. కానీ అనుకోని కారణాల వల్ల అర్జున్ కళ్యాణ్ పోలీస్ అవుతాడు. ఇక అక్కడి నుండి ఎలాగైనా సస్పెండ్ అవ్వాలన్న కోరికతో అర్జున్ చేసే పనులు తిరిగి తనకే మంచి పేరు తీసుకొస్తాయి. సమాజానికి మంచి జరుగుతూ ఉంటుంది.
ఇదిలా ఉంటే ఒకరోజు హోమ్ మినిస్టర్ ను కలవాల్సిన పరిస్థితి వస్తుంది. దాంతో తన జీవితం మొత్తం మారిపోతుంది. ఇంతకీ అర్జున్ కళ్యాణ్ చేయాల్సిందేంటి? ఎందుకు కలవాల్సి వచ్చింది?
నటీనటులు:
కిరణ్ అబ్బవరం – ఇష్టం లేకుండా పోలీస్ అయ్యి, ఆ జాబ్ నుండి బయటకు వచ్చేయాలని చూస్తోన్న కుర్రాడి పాత్రలో బాగానే కనిపించాడు. అయితే పాత్ర చిత్రణ సరిగా లేని కారణంగా అటు హీరోయిన్ తో కిరణ్ చేసిన సన్నివేశాలు కానీ ఇటు విలన్ తో ఛాలెంజ్ సీన్స్ కానీ ఏదీ అంత ఎఫెక్టివ్ గా అనిపించదు. ఒక దశ దాటాక కిరణ్ నటన రొటీన్ గా తయారవుతుంది. అయితే అందులో ప్రధానంగా నిందించాల్సింది స్క్రీన్ ప్లే నే.
ఈ చిత్రంలో హీరోయిన్ గా చేసిన అతుల్య రవి పెద్దగా చేసిందేం లేదు. చూడటానికి చక్కగానే ఉన్న ఈ భామ లేకపోయినా సినిమాకు వచ్చే నష్టమంటూ ఏం లేదు. పోసాని కృష్ణ మురళి పర్వాలేదు, మిగిలిన వాళ్ళు మాములే.
సాంకేతిక వర్గం:
రమేష్ కడూరి ఒక రొటీన్ ప్లాట్ ను ఎంచుకున్నాడు. అయితే దానికి స్క్రీన్ ప్లే ప్రధానంగా మైనస్ గా మారింది. అనవసరంగా, అవసరానికి మించి సాగదీసిన చిత్రమిది. ఈ చిత్రం మొత్తంలో ఏదైనా ప్లస్ పాయింట్ ఉందా అంటే అది కచ్చితంగా ఇంటర్వెల్ బ్లాక్ అనే చెప్పాలి. దానికి ముందు, తర్వాత జరిగే తతంగాన్ని భరించడం అంటే కష్టమే.
ఇక ఈ చిత్రంలో సంగీతం గురించి పెద్దగా చెప్పడానికంటూ ఏం లేదు. అలాగే బ్యాక్ గ్రౌండ్ స్కోర్ కూడా. అసలే పేలవమైన సన్నివేశాలు ఇంకా పేలవంగా తయారయ్యాయి. ఈ చిత్ర ప్రొడక్షన్ డిజైన్ బాగుంది. ఎడిటింగ్ ఈ సినిమాకున్న మైనస్ లలో మరొకటి.
ప్లస్ పాయింట్స్:
- కొన్ని డైలాగ్స్
మైనస్ పాయింట్స్;
- కథ
- స్క్రీన్ ప్లే
- చిత్ర పేస్
విశ్లేషణ:
కనీసం గంట అయినా ఈ చిత్రాన్ని ఆసక్తిగా చూశారంటే వారికి చాలా ఓపిక ఉన్నట్లే అర్ధం. మీరు మరీ బోర్ కొట్టేసి, థియేటర్ లో ఏసి కోసం తప్పితే ఈ చిత్రాన్ని మొత్తం చూడాల్సిన అగత్యం ఎవరికీ పట్టదు.
తెలుగు బులెటిన్ రేటింగ్: 1/5
704707 961673More than and more than once again I take into consideration these concern. As a matter of fact it was not even yesterday that I last thought about it. To be honest, what is your thought though? 154801
104773 384609Some truly great articles on this web site , appreciate it for contribution. 239804