తెలుగు సినిమాపై చెరగని ముద్ర వేసిన హీరోల్లో మెగాస్టార్ చిరంజీవికి ప్రత్యేక స్థానం ఉంది. నాలుగు దశాబ్దాల క్రితం ప్రారంభమైన ఆయన ప్రస్థానం అటు పాత తరం సినిమాకు.. నేటి తరం సినిమాకు వారధిగా నిలుస్తోంది. మెగాస్టార్ గా ఆయన దక్కించుకున్న కీర్తి, ప్రేక్షకుల నీరాజనాలు, అభిమానుల కేరింతలు అంత తేలిగ్గా దక్కలేదు. నటుడిగా తెలుగు తెరకు పరిచయమై ఇప్పటికి 152 సినిమాల్లో నటించి.. మెప్పించారు. ఆయన సినీ ప్రస్థానం తొలి సినిమా ‘పునాదిరాళ్లు’తో మొదలైంది. అయితే.. మొదటగా విడుదలైన సినిమా మాత్రం ‘ప్రాణం ఖరీదు’.
తొలి సినిమాలోనే ప్రముఖులతో..
ఫిల్మ్ ఇనిస్టిట్యూట్ విద్యార్ధి నుంచి నటుడిగా చిరంజీవికి వచ్చిన తొలి అవకాశం ‘పునాదిరాళ్లు’. కానీ.. ఆ తర్వాత ప్రారంభమైన ‘ప్రాణం ఖరీదు’ సినిమా మొదట విడుదలైంది. ‘పునాదిరాళ్లు’ సినిమాకు 1978 ఫిబ్రవరి 11న తొలిసారి మేకప్ వేసుకుని కెమెరా ముందుకు వచ్చినా అదే ఏడాది సెప్టెంబర్ 22న తొలి సినిమాగా ‘ప్రాణం ఖరీదు’ విడుదలైంది. అప్పటికే సినిమాల్లో ప్రముఖులుగా ఉన్న చంద్రమోహన్, జయసుధ, రావుగోపాలరావు, నూతన్ ప్రసాద్, చలం.. వంటి వారితోపాటు చిరంజీవి ప్రధాన పాత్రలో నటించారు. రేష్మరాయ్ హీరోయిన్ గా నటించింది. పాలేరు నరసింహా పాత్రలో.. ఫిల్మ్ ఇనిస్టిట్యూట్ శిక్షణలో నేర్చుకున్న మెళుకువలతో తన పాత్రకు తగ్గ రీతిలో నటించారు చిరంజీవి. పేదవారిని తక్కువగా చూసే మోతుబరిని ఎదిరించే పాత్ర.
కధగా చెప్పాలంటే..
దేవుడు (చంద్రమోహన్) చెల్లెలు బంగారి (రేష్మ రాయ్)ను నరసింహ (చిరంజీవి) ప్రేమిస్తాడు. వీరు పాలేరుగా మోతుబరి కనకయ్య (రావుగోపాలరావు), సీత (జయసుధ) ఇంట్లో పని చేస్తారు. వీరి ఇంటికి సీత (జయసుధ) సోదరుడు బంగారం (చలం) వస్తాడు. అక్క ఇంట్లో పని చేసే బంగారిపై కన్ను వేస్తాడు. ఓరోజు బంగారిపై అఘాయిత్యానికి పాల్పడతాడు. అప్పటికే యాజమాన్య వ్యవస్థపై కనకయ్యను ఎదిరించి పట్నంలో పనికి వెళతాడు నరసింహ. పని చూసుకుని తిరిగొచ్చే సమయానికి బంగారి అన్యాయానికి గురవుతుంది. మరోవైపు దేవుడు, తన భార్య సీత అక్రమ సంబంధంలో ఉన్నారని భావించి కనకయ్య వీరిద్దరినీ చంపేస్తాడు. దీంతో కోపోద్రిక్తుడైన చిరంజీవి, గ్రామస్థులంతా కలిసి కనకయ్యను హతమారుస్తారు.
పరిశ్రమ దృష్టిని ఆకర్షించి..
క్రాంతికుమార్ నిర్మాతగా శ్రీ అన్నపూర్ణ సినీ ఎంటర్ ప్రైజెస్ నిర్మాణంలో కె.వాసు దర్శకత్వంలో సినిమా తెరకెక్కింది. 23 ఏళ్ల వయసులో చిరంజీవి నటన, ఆయన డైలాగులు పలికే తీరు, యుక్త వయసులో నటనను సినిమాలో స్పష్టంగా చూడొచ్చు. ఆవేశంతో చెప్పే డైలాగులు.. అందుకు తగ్గ నటనతో పరిశ్రమ దృష్టిని ఆకర్షించారు. సినిమాలో చిరంజీవి నటనకు ప్రేక్షకుల నుంచి ప్రశంసలు దక్కాయి. హీరోగా మాత్రమే కాకుండా వచ్చిన పాత్రలను సద్వినియోగం చేసుకునే క్రమంలో చేసిన నరసింహా పాత్ర ఆయనకు విమర్శకుల నుంచి కూడా పేరు తెచ్చిపెట్టింది. మంచి విజయంతో ‘ప్రాణం ఖరీదు’ చిరంజీవికి మంచి ఆరంభాన్ని ఇచ్చింది. చక్రవర్తి సినిమాకు సంగీతం అందించారు. సీఎస్ రావు కథ, మాటలు అందించారు.
719943 683391Should you are interested in imagine a alter in distinct llife, starting up typically the Los angeles Surgical procedures fat reduction method can be a large movement in order to accomplishing which normally thought. shed belly fat 495858