మెగా క్లారిటీ: పవన్ కళ్యాణ్ నా తమ్ముడు, నా బిడ్డ.!

మెగాస్టార్ చిరంజీవి స్పష్టతనిచ్చేశారు. పవన్ కళ్యాణ్ నా తమ్ముడు, నా బిడ్డ.. అంటూ ‘గాడ్ ఫాదర్’ సినిమా ప్రీ రిలీజ్ ఫంక్షన్ సందర్భంగా మీడియా నుంచి వచ్చిన ఓ ప్రశ్నకు సమాధానమిచ్చారు చిరంజీవి.

గత కొంతకాలంగా చిరంజీవి, పవన్ కళ్యాణ్ మధ్య విభేదాలు సృష్టించేందుకు కొందరు నానా రకాల ప్రయత్నాలూ చేస్తున్నారు. వైసీపీ, అంతకు మించి టీడీపీ.. ఈ ప్రయత్నాల్లో బిజీగా వున్నాయ్. చిరంజీవికి పవన్ కళ్యాణ్ వెన్నుపోటు పొడిచారడంటాడో బులుగు మూర్ఖుడు. అన్నదమ్ములిద్దరూ కలిసి చెత్త రాజకీయాలు చేస్తున్నారంటాడు మరో పచ్చ మూర్ఖుడు.

మీడియా నుంచి ప్రశ్న రావడమే తరువాయి, మెగాస్టార్ చిరంజీవి తనదైన స్టయిల్లో స్పష్టతనిచ్చేశారు. పవన్ కళ్యాణ్ రాజకీయాల్లో వున్నారు కదా, ఆయనకు గాడ్ ఫాదర్ మీరేనా.? అని ఓ పాత్రికేయుడు ప్రశ్నించారు. దాంతో, చిరంజీవి తనదైన స్టయిల్లో సమాధానం చెప్పారు.

‘ఔను, నేనే గాడ్ ఫాదర్ అని చెప్పడం అసహ్యంగా వుంటుంది. అది పవన్ కళ్యాణ్ చెప్పాలి. ఆ మాట చాలా సందర్భాల్లో పవన్ కళ్యాణ్ చెప్పాడు. చిరంజీవి తనకు అన్నయ్య కాదు, తండ్రితో సమానమని పవన్ కళ్యాణ్ చెప్పాడు. అవును, పవన్ కళ్యాణ్ నా తమ్ముడు, నా బిడ్డ..’ అంటూ చిరంజీవి గర్వంగా చెప్పుకొచ్చారు.

అంతేనా, మరో ప్రశ్నకు సమాధానమిస్తూ, మలయాల ‘లూసిఫర్’ సినిమాలో వున్న డైలాగుల్ని ఎవరైనా తమకు ఆపాదించుకుంటే, భుజాలు తడుముకుంటే చేయాల్సిందేమీ లేదు.. అంటూ సెటైర్ వేశారు చిరంజీవి.

‘పవన్ కళ్యాణ్ నిబద్ధత ఏంటో నాకు తెలుసు. పవన్ కళ్యాణ్ ఎటువైపు వుండాలన్నది ప్రజలు డిసైడ్ చేస్తారు. పరిపాలించే అవకాశం పవన్ కళ్యాణ్‌కి రావాలని నేను కోరుకుంటాను. ఏమో, భవిష్యత్తులో పవన్ కళ్యాణ్‌కి మద్దతిస్తానేమో. ఇప్పుడు నేను రాజకీయాలకు దూరంగా వుండటమే పవన్ కళ్యాణ్‌కి ప్లస్..’ అని చిరంజీవి చెప్పడం గమనార్హం.

సో, ఇక్కడితో ఇంకాస్త మెగా క్లారిటీ వచ్చేసిందన్నమాట. మెగా ఫ్యాన్స్, జనసేన పార్టీకి అండగా నిలవాలని ఇటీవల తీర్మానించుకున్నాక.. చిరంజీవి సపోర్ట్ జనసేనకు వుందా.? లేదా.? అన్న చర్చే అనవసరం. జనసేనకు గాడ్ ఫాదర్‌లా చిరంజీవి వుంటారు.!